Перайсці да зместу

Рух за вызваленне дэльты Нігера

З Вікіпедыі, свабоднай энцыклапедыі

Рух за вызваленне дэльты Нігера, РВДН (англ.: The Movement for the Emancipation of the Niger Delta, MEND) — нігерыйская антыўрадавая хрысціянская паўстанцкая групоўка, якая дзейнічае на тэрыторыі дэльты Нігера і выступае за нацыяналізацыю нафтавых рэсурсаў Нігерыі.

РВДН упершыню заявіла пра сябе ў пачатку 2006 года, пасля арышту актывіста народа іджо Альхаджы Муджахіда Дакуба-Асары.

Арганізацыя займаецца выкраданнем нафтавікоў, выбухамі трубаправодаў і супрацьстаяннем з нігерыйскай арміі[1]. Лічыцца, што серыя тэрактаў, учыненых гэтай групоўкай вясной 2006 года, панізіла здабычу нафты ў Нігерыі на 25%[2].

У перыяд 2006—2009 групоўка здзейсніла цэлы шэраг нападаў, асабліва часта яны адбываліся ў 2006 годзе, у тым ліку 9 чалавек было забіта пры нападзе на офіс італьянскай нафтавай кампаніі «Eni»[3].

У 2009 годзе лідары групоўкі адмовіліся ад гвалту і падпісалі перамір’е з урадам. 12 ліпеня, за дзень да вызвалення лідара руху Генры Аку, баевікі Руху за вызваленне дэльты Нігера ўпершыню правялі аперацыю на тэрыторыі найбуйнейшага горада Нігерыі Лагас. У выніку нападу баевікоў на наліўны пірс для нафтавых танкераў загінулі як мінімум пяць чалавек[4].

РВДН вядзе барацьбу за незалежнасць дэльты Нігера і нацыяналізацыю нафтагазавай галіны, рэгулярна нападаючы на аб’екты, якія належаць замежным кампаніям, і захопліваючы ў палон іх супрацоўнікаў[1]. Так, 1 кастрычніка 2010 года з танкера, пры дапамозе якога, як мяркуецца, ажыццяўлялася кантрабанда нафты, былі выкрадзеныя 2 марака[5]. У 2013 годзе тэрарысты абвясцілі аб аперацыі «Барбароса», у рамках якой падлягалі знішчэнню мячэці, мусульманскія арганізацыі, у тым ліку дабрачынныя, вядомыя мусульманскія святары і чыноўнікі-мусульмане. Гэта стала адказам тэрарыстаў-хрысціян РВДН на дзейнасць ісламісцкіх тэрарыстаў[6][7].

  • 2006, 24 студзеня — напад групы з 30 чалавек, узброеных АК-47, на офіс італьянскай нафтавай кампаніі. 8 паліцэйскіх і 1 служачы загінулі.
  • 2006, 18 лютага — баевікі захапілі 9 нафтавых рабочых фірмы Royal Dutch Shell.
  • 2006 9 сакавіка — 30 катэраў па 15 чалавек у кожным, узброеныя аўтаматамі, кулямётамі і гранатамётамі, атакавалі нафтаналіўны танкер. Адбылася жорсткая перастрэлка з 7 патрульнымі ўрадавымі катэрамі. Загінула 13 нігерыйскіх салдат.
  • 2009, 15 мая — Рух за вызваленне дэльты Нігера аб’явіў татальную вайну дзяржаве. Па сцвярджэнні РВДН, тры катэры ўрадавых войскаў былі захопленыя баевікамі, шэсць патоплены, яшчэ тры знішчаны цалкам.

Крыніцы

[правіць | правіць зыходнік]
  1. ↑ а б Who are Nigeria's Mend oil militants? (англ.). BBC News. Праверана 2014-1-5.
  2. ↑ Movement for the Emancipation of the Niger Delta (MEND) (англ.)(недаступная спасылка). Terrorist Organization Profile. University of Maryland. Архівавана з першакрыніцы 6 студзеня 2014. Праверана 2014-1-5.
  3. ↑ Akpan 2010, p. 31.
  4. ↑ Движение за освобождение дельты Нигера объявило перемирие.
  5. ↑ В Нигерии похищены двое моряков с танкера MV Eckhardt
  6. ↑ Нигерийские террористы-христиане объявили о намерении начать крестовый поход против мусульманского севера
  7. ↑ Крестовый поход начнется 31 мая в Нигерии

Спасылкі

[правіць | правіць зыходнік]
  • Elias Courson. Movement for the Emancipation of the niger delta (MEND) // Discussion paper 47. — Uppsala: Nordiska Afrikainsititet, 2009. — ISBN 978-91-7106-657-2. — ISSN 1104-8417.Nseabasi S. Akpan. Kidnapping in Nigeria’s Niger Delta: An Exploratory Study (англ.) // Journal of Social Sciences. — Kamla-Raj, 2010. — Vol. 24, no. 1. — P. 33-42. — ISSN 0971-8923.
  • Nseabasi S. Akpan. Kidnapping in Nigeria’s Niger Delta: An Exploratory Study(англ.) // Journal of Social Sciences. — Kamla-Raj, 2010. — Т. 24. — № 1. — С. 33—42. — ISSN 0971-8923.(недаступная спасылка)
Узята з "https://be.wikipedia.org/w/index.php?title=Рух_за_вызваленне_дэльты_Нігера&oldid=4819375"