Прагляд зыходнага тэксту старонкі Трэцяя сусветная тэорыя

'''Трэцяя сусветная тэорыя''' ({{lang-ar|نظرية عالمية ثالثة}}) — сістэма поглядаў (тэорыя) лідара лівійскай Зялёнай рэвалюцыі [[Муамар Кадафі|Муамара Кадафі]], якая супрацьпастаўлялася ім [[камунізм]]у [[Карл Маркс|Карла Маркса]] і [[капіталізм]]у [[Адам Сміт|Адама Сміта]]. Муамар Кадафі высунуў сістэмную ідэю грамадскага ладу, якая знайшла частковае ўвасабленне ў [[Лівія|Лівіі]].

Сістэма поглядаў выкладзена ў «[[Зелёная кніга (Кадафі)|Зялёнай кнізе]]» ([[1976]]—[[1979]]). У кожнай краме ў Лівіі пры Кадафі яна абавязкова мелася ў продажы і ў большасці выпадкаў на розных мовах, у тым ліку і на [[руская мова|рускай]]. 

У дадзенай тэорыі падрабязна раскрытыкавана сучасная [[дэмакратыя]]: на думку Кадафі, дэмакратыя перастала быць сапраўды народнай. Разглядаючы сутнасць дэмакратыі, ён прыводзіць пацверджання гэтай думкі.

Тэорыя адмаўляе традыцыйныя органы ўлады — парламенты, партыі, рэферэндумы — і супрацьпастаўляе ім канцэпцыю прамой народнай дэмакратыі, заснаванай на народных кангрэсах і народных камітэтах. Пры гэтым Усеагульны народны кангрэс, які прымае агульнадзяржаўныя законы, разглядае толькі тыя пытанні, якія абмеркаваны і прапанаваны ў парадак дня першаснымі народнымі кангрэсамі, што аб’ядноўваюць усё дарослае насельніцтва краіны.

Закон грамадства не можа залежаць ад палітычнай кан’юнктуры, а павінен грунтавацца на звычаях і рэлігіі. Трэцяя сусветная тэорыя абвяшчае неабходнасць адмены наёмнай працы і права работніка на выраблены ім прадукт.

Пры распрацоўцы тэорыі Кадафі абапіраўся, у прыватнасці, на тэарэтычныя працы тэарэтыкаў [[анархізм]]у [[Міхаіл Аляксандравіч Бакунін|Міхаіла Бакуніна]] і [[Пётр Аляксеевіч Крапоткін|Пятра Крапоткіна]], сумешчаныя з эгалітарысцкімі прынцыпамі [[іслам]]у. Як і папярэднікі, пачынаючы з [[Платон]]а, Кадафі шукаў ідэальную форму грамадскага суіснавання, пры якім разам з сацыяльнай справядлівасцю існавалі бы моцная ўлада, народная прадстаўнічасць і нацыянальная самабытнасць. У Лівіі была зроблена спроба рэалізаваць яго ідэі на практыцы: у сакавіку [[1977]] годзе была апублікавана «Дэкларацыя Себха», і краіна стала называцца Сацыялістычная Народная Лівійская Арабская Джамахірыя (слова «''джамахірыя''» («''дзяржава народных мас''») — арабскі неалагізм, утвораны шляхам замены у корані слова «''джумхурыя''» (рэспубліка) адзіночнага ліку «''джумхур''» (народ) на множны лік «''джамахір''» (масы)). Існаванне дадзенай формы дзяржаўнага ладу, адрознай ад [[манархія|манархіі]] і [[рэспубліка|рэспублікі]], выцякае з «Трэцяй сусветнай тэорыі» лівійскага лідара Муамара Кадафі.

З надыходам [[глабалізацыя|глабалізацыі]] і інфармацыйнай рэвалюцыі Кадафі некалькі мадыфікаваў сваю тэорыю, увёўшы ў яе тэзіс пра эпоху вялікіх прастор, у якой нацыянальная дзяржава становіцца нежыццяздольнай.

== Гл. таксама ==
* [[Джамахірыя (дзяржаўны лад)]]
* [[Кадафісты]]

== Спасылкі ==
* [http://dmoztools.net/World/Russian/Общество/Политика/Альтернативные_политические_системы Альтэрнатыўныя палітычныя сістэмы] {{Архівавана|url=https://web.archive.org/web/20180702064154/http://dmoztools.net/World/Russian/%D0%9E%D0%B1%D1%89%D0%B5%D1%81%D1%82%D0%B2%D0%BE/%D0%9F%D0%BE%D0%BB%D0%B8%D1%82%D0%B8%D0%BA%D0%B0/%D0%90%D0%BB%D1%8C%D1%82%D0%B5%D1%80%D0%BD%D0%B0%D1%82%D0%B8%D0%B2%D0%BD%D1%8B%D0%B5_%D0%BF%D0%BE%D0%BB%D0%B8%D1%82%D0%B8%D1%87%D0%B5%D1%81%D0%BA%D0%B8%D0%B5_%D1%81%D0%B8%D1%81%D1%82%D0%B5%D0%BC%D1%8B/ |date=2 ліпеня 2018 }} ў Адкрытым Каталогу {{ref-ru}}
* [http://www.kaddafi.ru/zelkniga.html Зялёная кніга] {{ref-ru}}
* [http://www.kaddafi.ru/ Сайт «Каддафи.ру»] {{ref-ru}}

{{Бібліяінфармацыя}}

[[Катэгорыя:Левая ідэя]]
[[Катэгорыя:Палітыка Лівіі]]
[[Катэгорыя:Ісламскі сацыялізм]]
[[Катэгорыя:Палітычныя тэорыі]]