Уільям Генры Уэлч

Уільям Генры Уэлч
англ.: William H. Welch
Дата нараджэння	8 красавіка 1850(1850-04-08)
Месца нараджэння	Норфалк, Northwest Hills Planning Region[d], Канектыкут, ЗША
Дата смерці	30 красавіка 1934(1934-04-30) (84 гады) ці 20 красавіка 1934(1934-04-20) (84 гады)
Месца смерці	Johns Hopkins Hospital[d], Балтымар, Мэрыленд, ЗША
Месца пахавання	Center Cemetery[d]
Грамадзянства	ЗША
Род дзейнасці	ваенны ўрач, патолагаанатам, бактэрыёлаг, мікрабіёлаг, урач
Месца працы	Універсітэт Джонса Хопкінса Bellevue Hospital Medical College[d]
Альма-матар	Калумбійскі ўніверсітэт Ельскі ўніверсітэт Калумбійскі доктарска-хірургічны каледж[d]
Член у	Нацыянальная акадэмія навук ЗША American Medical Association Association of American Physicians[d] Rockefeller Institute[d] Амерыканская акадэмія мастацтваў і навук Леапальдзіна Амерыканская асацыяцыя садзейнічання развіццю навукі Міжнародная акадэмія гісторыі навукі[d] Каралеўская акадэмія медыцыны Бельгіі[d]
Узнагароды	Doctor honoris causa of the University of Strasbourg[d]
Медыяфайлы на Вікісховішчы

Уільям Генры Уэлч (англ.: William H. Welch; 8 красавіка 1850 — 30 красавіка 1934) — амерыканскі лекар-патолагаанатам, бактэрыёлаг і арганізатар аховы здароўя. Ён быў адным з чатырох прафесараў-заснавальнікаў бальніцы Джонса Хопкінса.

Член Нацыянальнай акадэміі навук ЗША (1895), прэзідэнт Акадэміі з 1913 па 1917 гады.

Біяграфія

Уільям Генры Уэлч нарадзіўся 8 красавіка 1850 года ў сям’і Уільяма Уікхема і Эмелін Колін Уэлч у Норфалку, штат Канектыкут.

Скончыўшы акадэмію Норфалка і каледж Уінчэстэра, у 1866 годзе паступіў у Ельскі ўніверсітэт, дзе вывучаў грэчаскую мову і класічную літаратуру. Пасля заканчэння ўніверсітэта Уэлч нядоўга выкладаў у школе ў Норвічы, Нью-Ёрк, затым паступіў у Калумбійскі медыцынскі ўніверсітэт. У 1875 годзе стаў урачом. Адпрацаваў у некалькіх лабараторыях у Германіі, у 1877 годзе вярнуўся ў Амерыку і адкрыў лабараторыю пры медыцынскім каледжы Бельв’ю.

У 1884 годзе Уільям Генры Уэлч стаў першым лекарам шпіталя Джонса Хопкінса ў Балтымары. Да 1886 года ён навучыў 16 аспірантаў у сваёй лабараторыі — гэта была першая вучэбная праграма паслядыпломнай урачэбнай адукацыі ў краіне. Уэлч стаў кіраўніком кафедры паталогій, пасля адкрыцця шпіталя ў 1889 годзе, а ў 1893 годзе стаў першым дэканам школы медыцыны Джонса Хопкінса. Навуковыя інтарэсы Уільяма Генры былі сканцэнтраваны ў галіне бактэрыялогіі. Ён адкрыў бактэрыю, якая выклікае газавую гангрэну (Clostridium perfringens, першапачаткова Clostridium welchii).

Уэлч памёр 30 красавіка 1934 года ад адэнакарцыномы прастаты ў шпіталі Джонса Хопкінса.