Фарухру Парса

Фарухру Парса
Род дзейнасці	палітык, урач
Дата нараджэння	22 сакавіка 1922(1922-03-22)
Месца нараджэння	Кум, Central District[d], Qom County[d], астан Кум[d], Іран
Дата смерці	8 мая 1980(1980-05-08) (58 гадоў)
Месца смерці	Тэгеран, Цэнтральны бахш[d], Тэгеранскі шахрэстан[d], астан Тэгеран[d], Іран
Месца пахавання	Behesht-e Zahra[d]
Грамадзянства	Іран
Альма-матар	Тэгеранскі ўніверсітэт
Партыя	Rastakhiz Party[d]
Медыяфайлы на Вікісховішчы

Фарухру Парса (перс. فرخ‌رو پارسا‎; 21 сакавіка 1922, Кум — 8 мая 1980, Тэгеран) — іранскі палітычны дзеяч, урач, педагог, міністр адукацыі ў 1968—1971 гадах і першая жанчына-міністр Ірана.

Біяграфія

Фарухру Парса нарадзілася ў 1922 у Куме. Яе маці, Фахрэ-Афаг Парса, была рэдактарам першага іранскага жаночага часопіса «Джахан-е зэн» («Свет жанчыны») і змагаром за права жанчын на адукацыю. Па гэтай прычыне яна ў 1921 годзе разам з мужам Фарухдзінам Парсам была саслана пад хатні арышт урадам Ахмада Кавама ў горад Кум, дзе і нарадзілася Фарухру Парса. Праз некаторы час новы прэм’ер-міністр Хасан Мустоўфі дазволіў сям’і вярнуцца ў Тэгеран.

Фарухру Парса атрымала медыцынскую адукацыю, пасля чаго ўладкавалася настаўніцай у Школу ім. Жанны д’Арк, дзе яна выкладала ў тым ліку будучай імператрыцы Ірана Фарах Дыбэ.

У 1963 годзе Парса была абрана ў парламент Ірана і амаль адначасова пачала пісаць петыцыі шаху Махамеду Рэзе Пехлеві з просьбай даць іранскім жанчынам правы голасу, што было зроблена ў тым жа годзе пасля ўсенароднага канстытуцыйнага рэферэндуму. У 1965 годзе яна стала намеснікам, а ў 1968 — міністрам адукацыі Ірана.

Падчас Іранскай рэвалюцыі Фарухру Парса была арыштаваная і змешчаная ў турму, а 8 траўня 1980 года была расстраляна.