Хесус Марцінес дэ Арагон

Хесус Марцінес дэ Арагон
Хесус Марцінес дэ Арагон
Дата нараджэння	16 лютага 1899
Месца нараджэння	Віторыя, камарка Куадрылья-дэ-Віторыя[d], правінцыя Алава, Краіна Баскаў, Іспанія;
Дата смерці	9 красавіка 1937 (38 гадоў)
Месца смерці	Мадрыд, правінцыя Мадрыд[d], Кастылья-ла-Нуэва, Іспанія;
Грамадзянства	Іспанія;

Хесус Марцінес дэ Арагон-і-Карыён (ісп.: Jesús Martínez de Aragón y Carrión; 16 лютага 1899 — красавік 1937) — удзельнік грамадзянскай вайны ў Іспаніі, камандзір 2-й змешанай брыгады.

Біяграфія

Нарадзіўся ў Віторыі (Краіна Баскаў). Бацька быў генеральным пракурорам Другой Іспанскай Рэспублікі^[1]. Да пачатку вайны Марцінес дэ Арагон працаваў адвакатам^[2].

У пачатковы перыяд вайны ўдзельнічаў у штурме казарм Мантаньі ў Мадрыдзе. Пасля займаўся пытаннямі арганізацыі Пятага палка^[3]. Неўзабаве ўзначаліў дзве калоны апалчэнцаў, якія складаліся з чыгуначнікаў УСП і членаў JSU. Браў удзел у паходзе на Гвадалахару. Пазней узначальваў абарону Сігуэнсы. Аднак Марцінес дэ Арагон меў больш намінальнае, чым рэальнае камандаванне, бо яго падначаленыя дзейнічалі цалкам незалежна. Горад ён пакінуў, каб знайсці падмацаванне, але ў момант адсутнасці камандзіра Сігуэнсу захапілі паўстанцы.

У сярэдзіне кастрычніка 1936 года стаў камандзірам 2-й змешанай брыгады^[4]. На чале гэтага падраздзялення Марцінес дэ Арагон удзельнічаў у абароне Мадрыда, у тым ліку ў баях ля ўніверсітэцкага гарадка. У красавіку 1937 года яго брыгада наступала на ўчастку Сера-Гарабітас, дзе панесла шматлікія страты. Сярод загінулых быў сам Марцінес дэ Арагон^[2].

Крыніцы

↑ Octavio Ruiz Manjón-Cabeza (1990). Historia general de España y América, Volumen 17, Ediciones Rialp: Madrid, pág. 399
↑ ^а ^б Guillermo Cabanellas (1975). La guerra de los mil días: nacimiento, vida y muerte de la II República Española, Editorial Heliasta, pág. 668
↑ Michael Alpert (2013). The Republican Army in the Spanish Civil War, 1936–1939, Cambridge University Press, pág. 75
↑ Michael Alpert (2013). The Republican Army in the Spanish Civil War, 1936–1939, Cambridge University Press, pág. 317

[1] Octavio Ruiz Manjón-Cabeza (1990). Historia general de España y América, Volumen 17, Ediciones Rialp: Madrid, pág. 399

[p.668-2] а ^б Guillermo Cabanellas (1975). La guerra de los mil días: nacimiento, vida y muerte de la II República Española, Editorial Heliasta, pág. 668

[3] Michael Alpert (2013). The Republican Army in the Spanish Civil War, 1936–1939, Cambridge University Press, pág. 75

[4] Michael Alpert (2013). The Republican Army in the Spanish Civil War, 1936–1939, Cambridge University Press, pág. 317

[1]

[2]

[3]

[4]