Прагляд зыходнага тэксту старонкі Шчыты-Неміровічы

[[Файл:Jastrzębiec_herb.svg|thumb|Герб «Ястрабец»]]
'''Шчыты''', '''Шчыты-Неміровічы''' — шляхецкі род герба «[[Ястрабец (герб)|Ястрабец]]». Адгалінаванне з канца XV стагоддзя роду [[Неміровічы|Неміровічаў]].

Сыны [[Якуб Неміровіч|Якуба Неміровіча]] назваліся па [[прыдомак|прыдомку]] бацькі Шчытамі або Шчытовічамі, часам дадавалі прозвішча Неміровіч. Прыдомак яны прынялі, відаць, праз неабходнасць адрозніваць сябе ад іншых Неміровічаў. [[Ян Якубавіч Неміровіч|Ян Якубавіч]], унук Андрэя, жыў у адзін час [[Ян Якубавіч Шчыт|Янам Якубавічам Шчытом]], і ідэнтыфікаваць іх па ідэнтычных імёнах па бацьку для сучаснікаў было цяжка. Відаць, старэйшым з братоў Шчытовічаў быў Ян, бо ён раней за іншых згадваецца ў крыніцах і раней за ўсіх памёр{{sfn|Jaszczołt|2015|s=175—250}}.

У XVI—XVII стагоддзях згаслі тры з чатырох галін сыноў [[Ян Няміра|Яна Няміры]], працягнула існаваць галіна Шчытоў-Неміровічаў.

З сярэдзіны XVII стагоддзя род стаў вяртацца на палітычную сцэну пры [[Юстыніян Шчыт-Неміровіч (падкаморы полацкі)|Юстыніяне Шчыце-Неміровічу]] (пам. 1677), які займаў пасады падкаморага і падваяводы полацкага. Ад яго сыноў паходзяць чатыры галіны роду:
* '''Кажан-Гарадоцкая''', назва паходзіць ад мястэчка [[Кажан-Гарадок]], нашчадкі Яна Крыштафа Шчыта-Неміровіча і ягоных сыноў [[Юзаф Шчыт-Неміровіч (камергер)|Юзафа]] і Крыштафа;
* '''Юхавіцкая''', сядзіба ў [[Юхавічы |Юхавічах]], нашчадкі мсціслаўскага кашталяна [[Юзаф Шчыт-Неміровіч (пам. 1745)|Юзафа Шчыта-Неміровіча]], згасла ў канцы XVIII стагоддзя;
* '''Таболкаўская''', адбываецца ад вёсак [[Таболкі (Верхнядзвінскі раён)|Таболкі]] і [[Юсціянава (Верхнядзвінскі раён)|Юстыянава]], нашчадкі полацкага гараднічага Канстанціна Шчыта-Неміровіча, згасла ў канцы XIX стагоддзя;
* '''Вярхоўская''', сядзіба ў [[Аграгарадок Вярхоўе|Вярхоўі]], нашчадкі полацкага ротмістра Адама Шчыта-Неміровіча.

== Крыніцы ==
{{крыніцы}}

== Літаратура ==
* {{h|Jaszczołt|2015|[[Томаш Яшчалт|T. Jaszczołt]], Ród Niemiry z Wsielubia — Niemirowiczowie i Szczytowie herbu Jastrzębiec do połowy XVI wieku, [w:] Unia w Horodle na tle stosunków polsko-litewskich, S.Górzynski (red.), Wydawnictwo DiG, Warszawa 2015, s. 175—250}}

== Спасылкі ==
{{Commons|Category:}}

{{Бібліяінфармацыя}}

[[Катэгорыя:Шчыты-Неміровічы| ]]