Іньшань

Іньшань
кіт. 陰山
38° пн. ш. 103° у. д.
Краіна	Кітай
Даўжыня	650 км
Найвышэйшы пункт	2187 м

Іньшань — горная сістэма на поўначы Кітая, ва Унутранай Манголіі, на поўнач і паўночна-ўсход ад Хуанхэ.

Агульная працягласць складае 650 км, вышыня — да 2187 м. У склад сістэмы ўваходзяць хрыбты Ланшань, Шэйтэн-Ула, Хэланьшань, Дацыншань. Паўночныя схілы хрыбтоў звычайна спадзістыя, паўднёвыя — стромкія і абрывістыя.

Горы Іньшань складзены галоўным чынам старажытнымі крышталічнымі пародамі: гранітамі, гнейсамі. Маюцца радовішчы карысных выкапняў: каменнага вугалю і жалезных руд. У прыграбянёвых частках на паўднёвых схілах — горныя стэпы, па цяснінах захаваліся хвойнікі і бярозавыя гаі, па далінах рэк — зараснікі лаўралістай таполі, у ніжніх частках паўночных схілаў — паўпустыні.

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
• Иньшань // Словарь современных географических названий / Рус. геогр. о-во. Моск. центр; Под общ. ред. акад. В. М. Котлякова. Институт географии РАН. — Екатеринбург: У-Фактория, 2006. (руск.)
• Иньшань // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)