Алена Уладзіміраўна Клішэвіч
| Алена Уладзіміраўна Клішэвіч | |
|---|---|
| Нараджэнне |
22 ліпеня 1971 (52 гады) |
Алена Уладзіміраўна Клішэвіч (нар. 22 ліпеня 1971, г. Смаргонь) — беларуская настаўніца, дэпутат Палаты прадстаўнікоў Нацыянальнага сходу Рэспублікі Беларусь VIII склікання.
Біяграфія[правіць | правіць зыходнік]
Нарадзілася 22 ліпеня 1971 года ў г. Смаргоні Гродзенскай вобласці[1].
Скончыла Беларускі дзяржаўны ўніверсітэт па спецыяльнасці «Беларуская мова і літаратура, руская мова і літаратура»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне сацыяльнай сферай»[1].
Працавала настаўнікам беларускай мовы і літаратуры ў Нясвіжскай гімназіі; загадчыкам раённага вучэбна-метадычнага кабінета; намеснікам начальніка аддзела адукацыі, начальнікам упраўлення па адукацыі, спорце і турызме Нясвіжскага раённага выканаўчага камітэта[1].
Член Беларускай партыі «Белая Русь»[1].
У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Стаўбцоўскай акругі № 70. Член Пастаяннай камісіі па адукацыі, культуры і навуцы[1].
Узнагароды[правіць | правіць зыходнік]
Узнагароджана ганаровымі граматамі Адміністрацыі Прэзідэнта Рэспублікі Беларусь, Міністэрства адукацыі Рэспублікі Беларусь, Мінскага абласнога выканаўчага камітэта, галоўнага ўпраўлення па адукацыі Мінскага абласнога выканаўчага камітэта, Нясвіжскага раённага выканаўчага камітэта, Цэнтральнага камітэта Беларускага прафесійнага саюза работнікаў адукацыі і навукі, Граматай Міністэрства адукацыі Рэспублікі Беларусь[1].
Сям'я[правіць | правіць зыходнік]
Мае сына[1].