Анатоль Мікалаевіч Міхайлаў

Анатоль Мікалаевіч Міхайлаў
Дата нараджэння	3 лістапада 1936(1936-11-03) (87 гадоў)
Месца нараджэння	Індыкава[d], БССР, СССР
Грамадзянства	СССР  Беларусь
Род дзейнасці	урач
Месца працы	ІПКіПКАЗ
Навуковая ступень	доктар медыцынскіх навук
Альма-матар	Віцебскі медыцынскі інстытут (1961) ІПКіПКАЗ
Прэміі
Узнагароды

Анатоль Мікалаевіч Міхайлаў (3 лістапада 1936, в. Індыкава, цяпер у межах Віцебска) — беларускі вучоны ў галіне медыцыны, доктар медыцынскіх навук (1974), акадэмік НАН Беларусі.

Біяграфія

У 1961 годзе скончыў Віцебскі медыцынскі інстытут, працаваў намеснікам галоўнага ўрача Іванаўскай раённай бальніцы Брэсцкай вобласці, урачом-эпідэміёлагам Бярэзінскай райбальніцы, урачом-рэнтгенолагам бальніцы ст. Гомель. З 1966 года ў Беларускім дзяржаўным інстытуце ўдасканалення ўрачоў — аспірант, асістэнт, загадчык кафедры рэнтгеналогіі і прамянёвай дыягностыкі.

Аўтар 200 навуковых работ, 15 манаграфій, у тым ліку: «Рэнтгенадыягнастычны атлас», «Рэнтгенасеміётыка хвароб чалавека» і інш. Член Еўрапейскай асацыяцыі радыёлагаў і прамянёвых дыягностаў. Увайшоў у лік выдатных сусветных лідараў навукі (Амерыканскі біяграфічны інстытут, ЗША, 1997).

Узнагароды і прэміі

• Дзяржаўная прэмія Рэспублікі Беларусь у галіне навукі і тэхнікі (1992, у аўтарскім калектыве) — за цыкл прац па распрацоўцы і ўкараненні ў практыку сасудзістай хірургіі новых метадаў дыягностыкі і лячэння.
• медаль Францыска Скарыны (2021).
• залаты медаль Міжнароднага біяграфічнага цэнтра (Кембрыдж, Англія, 1997).

Літаратура

• Міхайлаў Анатоль Мікалаевіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 481—482. — 10 000 экз. — ISBN 985-11-0035-8. — ISBN 985-11-0169-9 (т. 10).

Спасылкі

• Анатоль Мікалаевіч Міхайлаў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)