Арсенал
З пляцоўкі Вікіпедыя.
Арсенал, значэнні »»
Арсенал (франц. arsenal; італ. arsenale ад араб. дар ар-сінаа - майстэрня) або цэйхгауз - будынак для захавання зброі, боепрыпасаў і іншага вайсковага рыштунку, часткова для вырабу і рамонту.
На Беларусі ўзводзіліся арсеналы ў буйных замках і гарадах. Звычайна былі мураваныя, што было звязана з захаваннем лёгка запальваючыхся рэчываў, але таксама будаваліся і драўляныя. Як правіла арсеналы былі аднапавярховымі. Унутры падзяляліся на памяшканні для захавання ручной вагняпальнай зброі, гарматаў і рознага кшталту вайсковага рыштунку і боепрыпасаў.
Літ.:
Архітэктура Беларусі. Энцыклапедычны даведнік. Мінск, 1993. ISBN 5-85700-078-5
