Беніямін Аганесавіч Галсцян

Беніямін Аганесавіч Галсцян
Дата нараджэння	7 сакавіка 1902(1902-03-07)
Месца нараджэння	Беніямін[d], Александропальскі павет[d], Эрыванская губерня, Расійская імперыя
Дата смерці	4 снежня 1942(1942-12-04) (40 гадоў)
Месца смерці	Пулкаўскія вышыні, Расія
Месца пахавання	Казачыя могілкі Аляксандра-Неўскай лаўры[d]
Альма-матар	Ваенна-палітычная акадэмія імя У. І. Леніна[d] (1937)
Грамадзянства	СССР
Прыналежнасць	СССР
Род войскаў	Рабоча-Сялянская Чырвоная Армія
Званне	генерал-маёр і Брыгадны камісар
Бітвы/войны	Паход Чырвонай Арміі ў Заходнюю Беларусь і Украіну, 1939 савецка-фінляндская вайна Вялікая Айчынная вайна Блакада Ленінграда
Узнагароды і званні

Беніямін Аганесавіч Галсцян (арм. Բենիամին Գալստյան; 1902-1942) — савецкі ваенны дзеяч, палітработнік, удзельнік Вялікай Айчыннай вайны, генерал-маёр.

Біяграфія

У 1936 годзе скончыў у Ленінградзе Ваенна-палітычную акадэмію імя М. Г. Талмачова.

У 1939 годзе ўдзельнічаў у вызваленні Заходняй Украіны і Заходняй Беларусі, у 1939—1940 гадах — на Савецка-фінскай вайне. 23 снежня 1939 года палкавы камісар Б. Галсцян быў прызначаны ваенным камісарам 70-й стралковай дывізіі ў складзе 7-й арміі, якой у лютым — сакавіку 1940 гады прыйшлося ўдзельнічаць у прарыве лініі Манергейма і узяцці Выбарга. За выдатныя баявыя дзеянні дывізія была ўзнагароджана ордэнам Леніна, а начальнік яе палітаддзела палкавы камісар Б. Галстцяна — ордэнам Чырвонага Сцяга.

З пачаткам Вялікай Айчыннай вайны 70-я дывізія ваявала ў складзе 11-й арміі на Паўночным, Паўночна-Заходнім, Ленінградскім франтах, удзельнічала ў абароне Ноўгарада, а затым Ленінграда. Б. Галсцян займаў у ёй пасаду камісара дывізіі да 21 верасня 1941 года. З 2 лістапада па 28 снежня 1941 года з’яўляўся ваенным камісарам 125-й стралковай дывізіі ў складзе 55-й арміі Ленінградскага фронту. У канцы снежня быў цяжка паранены і перапраўлены ў адзін з ленінградскіх шпіталяў.

22 лютага 1942 года прысвоена званне брыгаднага камісара. З 27 лютага па 25 мая 1942 года — ізноў камісар 70-й стралковай дывізіі. Са жніўня па верасень 1942 года з’яўляўся камісарам 59-га Асаблівай ўдарнага аператыўнага злучэння «Неўскае». З 4 верасня 1942 года — член Ваеннага савета 42-й арміі.

У канцы 1942 года згодна з Указам Прэзідыума Вярхоўнага Савета СССР ад 09.10.1942 «Аб устанаўленні поўнага адзінаначалля і скасаванні інстытуту вайсковых камісараў у Чырвонай Арміі» ўсіх палітычных работнікаў РСЧА пачалі перакладаць на агульнавайскавыя званні. Адпаведны загад рыхтаваўся і на Б. Галсцяна, але афіцыйна ён выйшаў толькі праз два дні пасля яго смерці. 6 снежня 1942 года яму было прысвоена званне генерал-маёра.

Б. Галсцян загінуў 4 снежня 1942 года. У раёне вёскі Верхняе Койрава на Пулкаўскіх вышынях падчас артылерыйскага налёту варожы снарад разбурыў зямлянку, у якой ён знаходзіўся. Цяжка паранены генерал памёр падчас эвакуацыі з перадавой.

Літаратура

• Санкт-Петербург. Петроград. Ленинград: Энциклопедический справочник / Ред. коллегия: Белова Л. Н., Булдаков Г. Н., Дегтярев А. Я. и др. — М.: научное издательство «Большая Российская Энциклопедия». 1992. — 687 с.; ил. — ISBN 5-85270-037-1