Берасцянка

? Берасцянка
Навуковая класіфікацыя
Царства:	Жывёлы
Тып:	Хордавыя
Падтып:	Пазваночныя
Клас:	Птушкі
Атрад:	Вераб'інападобныя
Сямейства:	Уюрковыя
Род:	Fringilla
Від:	Берасцянка
Навуковая назва
Fringilla coelebs Linnaeus, 1758
'
Лето   Резидент   Зима   Інтрадукаваны   canariensis   spodiogenys
Сістэматыка на ВікіВідах Выявы ў ВікіСховішчы ITIS   179168 NCBI   37598

Берасцянка, таксама Зябок (Fringílla coélebs) — пеўчая птушка сямейства ўюрковых.

Апісанне

Памерам з вераб'я (даўжыня каля 17 см). Афарбоўка апярэння ў самца яркая (асабліва ўвесну): галава сінявата-шэрая, спіна карычняватая з зялёным адценнем, валлё і грудзі буравата-чырвоныя, на крылах вялікія белыя плямы; афарбоўка самкі больш цьмяная. Распаўсюджаны ў Еўропе, Заходняй Азіі і Паўночнай Афрыцы; рассяляецца на Усходзе. Адна з самых шматлікіх птушак Беларусі. Жыве ў лясах і парках ўсіх тыпаў, часта каля жытла чалавека. Гнёзды будуе на дрэвах, маскіруючы іх мохам і лішайнікамі. Часам гняздуе два разы на лета. У кладцы 3-6 блакітнаватыя з крапінкамі яек. Сілкуецца насеннем і зялёнымі часткамі раслін, летам таксама насякомымі і іншымі беспазваночнымі, якімі выкормлівае і птушанят.

Берасцянкі прылятаюць ў першых чыслах красавіка. Гнездаванне і кладку пачынаюць у пачатку траўня. Вылет маладых птушак — у чэрвені. Берасцянкі могуць рабіць дзве кладкі за сезон. Другі вывадак — з чэрвеня па жнівень. Адлёт — з верасня да сярэдзіны кастрычніка. Частка птушак зімуе ў Цэнтральнай Еўропе, астатнія ляцяць у Міжземнамор'е. Узімку можа назірацца на Каўказе, у перадгорных лясах.