Беркаў

Вёска Беркаў Краіна Беларусь Вобласць Гомельская Раён Акцябрскі Сельсавет Парэцкі Каардынаты 52°41′06″ пн. ш. 28°43′37″ у. д. Першая згадка XIX стагоддзе Насельніцтва 19 чалавек (2011) Часавы пояс UTC+3 Тэлефонны код +375-2357 Паштовы індэкс 247308 Аўтамабільны код 3 СААТА 3240824006 Беркаў на карце Беларусі ±

Бе́ркаў (трансліт.: Bierkaŭ, руск.: Берков) — вёска ў Акцябрскім раёне Гомельскай вобласці. Уваходзіць у склад Парэцкага сельсавета.

Геаграфія

Размяшчэнне

У 12 км на паўночны захад ад гарадскога пасёлка Акцябрскі, у 4 км на поўнач ад Парэчча, у 14 км ад чыгуначнай станцыі Рабкор, размешчанай на чыгунцы Бабруйск — Рабкор, адгалінаванні лініі Асіповічы — Жлобін.

Водная сістэма

У 1 км на ўсход — рака Пціч (прыток Прыпяці). На поўначы і захадзе — сетка меліярацыйных каналаў. За 2,2 км на паўднёвы захад — возера Овінскае.

Экалогія і прырода

Вакол вёскі размяшчаецца лес.

Транспартная сістэма

Транспартная сувязь па прасёлкавай, а затым па аўтамабільнай дарозе Харомцы — Парэчча.

Інфармацыя

Планіроўка — 2 кароткія вуліцы. Забудова драўлянымі хатамі сядзібнага тыпу. У складзе сельскагаспадарчага ААТ «Парэчча-Арэса» з цэнтрам у Парэччы.

Гісторыя

Па пісьмовых крыніцах вёска вядомая з XIX стагоддзя, як засценак у Бабруйскім павеце Мінскай губерні у складзе маёнтка Харомцы памешчыка Ксаверыя Восіпавіча Вішчынскага.

У 1921 годзе ў вёсцы адкрыта школа. У 1931 годзе арганізаваны калгас «Новае жыццё».

Падчас Вялікай Айчыннай вайны, у красавіку 1942 года, карнікі спалілі 5 двароў і забілі 25 жыхароў; 27 жыхароў вёскі загінулі на фронце.

Насельніцтва

Колькасць

• 2011 год — 19 жыхароў.

Дынаміка

• 1908 год — 22 двары, 219 жыхароў.
• 1940 год — 24 двары.
• 1959 год — 163 жыхары (паводле перапісу).
• 1997 год — 29 двароў, 52 жыхары.
• 2004 год — 22 двары, 39 жыхароў.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0
• Памяць: Гіст.-дакум. хроніка Акцябрскага р-на. — Мн.: БЕЛТА, 1997. — 478 с. ISBN 985-6302-03-X

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх