Васіль Паўлавіч Пугачоў
Васіль Паўлавіч Пугачоў | |
---|---|
Дата нараджэння | 18 лістапада 1949 (74 гады) |
Месца нараджэння | |
Род дзейнасці | навуковец, ваенны, дыпламат |
Навуковая ступень | доктар тэхнічных навук (1992) |
Навуковае званне | |
Альма-матар | |
Узнагароды |
Васіль Паўлавіч Пугачоў (нар. 18 лістапада 1949, Магілёўская вобласць) — беларускі вучоны, дзяржаўны дзеяч, былы першы намеснік Міністра замежных спраў Рэспублікі Беларусь.
Біяграфія[правіць | правіць зыходнік]
Нарадзіўся 18 лістапада 1949 года ў Магілёўскай вобласці.
З 1967 па 1995 гады праходзіў службу ва Узброеных сілах СССР і Рэспублікі Беларусь. Навукова-педагагічнай дзейнасцю займаўся з 1975 года на пасадах выкладчыка, старшага выкладчыка, намесніка начальніка і начальніка кафедры аўтаматызаваных сістэм кіравання Мінскага вышэйшага інжынернага зенітна-ракетнага вучылішча (МВІЗРВ).
У 1972 годзе скончыў з адзнакай факультэт аўтаматызаваных сістэм кіравання Мінскага вышэйшага інжынернага зенітна-ракетнага вучылішча, а ў 1978 годзе — ад’юнктуру па кафедры аўтаматызаваных сістэм кіравання супрацьпаветранай абароны МВІЗРВ.
З 1993 па 1995 годы з’яўляўся старшынёй Навукова-тэхнічнага камітэта Міністэрства абароны Рэспублікі Беларусь.
У 1996 годзе скончыў з адзнакай Акадэмію кіравання пры Прэзідэнце Рэспублікі Беларусь па спецыяльнасці «Арганізацыя і кіраванне знешнеэканамічнай дзейнасцю» з прысваеннем кваліфікацыі «Менеджэр-эканаміст».
З 1996 па 2000 гады працаваў кансультантам Камітэта па інвестыцыях Міністэрства эканомікі Рэспублікі Беларусь, начальнікам упраўлення знешнеэканамічнай дзейнасці і міжнароднага супрацоўніцтва Апарату Савета Міністраў Рэспублікі Беларусь.
З 2000 года па 2008 год працаваў намеснікам, першым намеснікам Міністра замежных спраў Рэспублікі Беларусь.
З 26 лютага 2008 года[1] па 15 снежня 2014 года[2] працаваў Пастаянным паўнамоцным прадстаўніком Рэспублікі Беларусь у СНД.
З 2015 года працуе прафесарам кафедры міжнароднага менеджменту эканамічнага факультэта БДУ, выкладае дысцыпліны «Знешнеэканамічная дзейнасць» і «Міжнародны менеджмент».
Узнагароды[правіць | правіць зыходнік]
- вынаходнiк СССР (1989),
- знак «За выдатныя поспехі ў галіне вышэйшай адукацыі СССР» (1990),
- ганаровыя граматы Савета Міністраў Рэспублікі Беларусь (2004, 2009, 2014),
- падзяка Прэзідэнта Рэспублікі Беларусь (2011).
Зноскі
- ↑ Указ Президента Республики Беларусь от 26 февраля 2008 года № 120 «О назначении В. П. Пугачева Постоянным полномочным представителем Республики Беларусь при уставных и других органах Содружества Независимых Государств»
- ↑ Указ Президента Республики Беларусь от 15 декабря 2014 года № 584 «Об освобождении от должности В. П. Пугачева»
- Нарадзіліся 18 лістапада
- Нарадзіліся ў 1949 годзе
- Нарадзіліся ў Магілёўскай вобласці
- Дактары тэхнічных навук
- Прафесары
- Выпускнікі Мінскага вышэйшага інжынернага зенітнага ракетнага вучылішча
- Узнагароджаныя Ганаровай граматай Савета Міністраў Рэспублікі Беларусь
- Узнагароджаныя Падзякай Прэзідэнта Рэспублікі Беларусь
- Асобы
- Вучоныя паводле алфавіта
- Намеснікі міністра замежных спраў Рэспублікі Беларусь