Вольга Аляксееўна Іванова

Вольга Аляксееўна Іванова
руск.: Ольга Алексеевна Иванова
Дата нараджэння	10 кастрычніка 1901(1901-10-10)
Месца нараджэння	Тула, Тульская губерня, Расійская імперыя
Дата смерці	31 сакавіка 1986(1986-03-31) (84 гады)
Грамадзянства	СССР  Расійская імперыя
Род дзейнасці	генетык, селекцыянер
Навуковая сфера	генетыка і селекцыя[d]
Месца працы	Цэнтральная станцыя па генетыцы сельскагаспадарчых жывёл, Цэнтральная станцыя па каняводству, Маскоўскі інстытут свінагадоўлі, Арэнбургскі сельскагаспадарчы інстытут, Варонежскі заатэхнічна-ветэрынарны інстытут, Варонежскі сельскагаспадарчы інстытут, Віцебскі ветэрынарны інстытут
Навуковая ступень	кандыдат сельскагаспадарчых навук (1939)
Навуковае званне	прафесар (1935)
Альма-матар	Маскоўскі зоатэхнічны інстытут
Навуковы кіраўнік	А. С. Сераброўскі
Узнагароды

Вольга Аляксееўна Івано́ва (руск.: Ольга Алексеевна Иванова; 10 кастрычніка 1901 — 31 сакавіка 1986) — вучоны ў галіне генетыкі і селекцыі сельскагаспадарчых жывёл, кандыдат сельскагаспадарчых навук (1939), прафесар (1935). Заслужаны дзеяч навукі Беларускай ССР (1971).

Біяграфія

Нарадзілася ў горадзе Тула. У 1926 годзе скончыла Маскоўскі вышэйшы заатэхнічны інстытут з кваліфікацыяй «аграном-заатэхнік». У 1926–1928 гг. загадвала аддзелам генетыкі буйной рагатай жывёлы Цэнтральнай станцыі па генетыцы сельскагаспадарчых жывёл у Маскоўскай вобласці, дзе пачала навуковую дзейнасць пад кіраўніцтвам А. С. Сераброўскага. У 1929–1930 гг. працавала асістэнтам на Цэнтральнай станцыі па каняводству ў Маскве, у 1930 годзе — на кафедры развядзення ў Маскоўскім інстытуце свінагадоўлі. У 1931–1935 гг. В. А. Іванова на пасадзе загадчыка кафедрай развядзення і генетыкі Арэнбургскага сельскагаспадарчага інстытута. У 1935–1941 гг. працавала ў Варонежскім заатэхнічна-ветэрынарным інстытуце, у 1942–1948 гг. ва Ульянаўскім сельскагаспадарчым інстытуце. Пасля звальнення з інстытута ў 1948 годзе В. А. Іванова пераехала ў Калінінград, да 1951 года працавала галоўным заатэхнікам Калінінградскага дзяржплемтрэста, потым (да 1953 года) у Калінінградскім абласным упраўленні сельскай гаспадаркі і нарыхтовак. З 1953 года В. А. Іванова ў Віцебскім ветэрынарным інстытуце, да 1974 года на пасадзе загадчыка кафедрай развядзення сельскагаспадарчых жывёл, у 1974—1981 гг. — прафесар кафедры.

Навуковая дзейнасць

В. А. Івановай належаць навуковыя працы па генетыцы буйной рагатай жывёлы, тэорыі развядзення сельскагаспадарчых жывёл па лініях, ролі спадчыннасці ў пашырэнні лейкозу буйной рагатай жывёлы, уплыву навакольнага асяроддзя на эфектыўнасць адбору і інш. На працягу шэрагу гадоў узначальвала Віцебскае аддзяленне Рэспубліканскага таварыства генетыкаў і селекцыянераў.

З’яўляецца аўтарам 110 навуковых і навукова-метадычных прац. Сярод апублікаванага:

• Генетика. 2-е изд. — М. 1974. (1-е выданне ў 1967 годзе, разам з М. А. Краўчанка).

Узнагароды

• Ордэн Леніна
• Ордэн Працоўнага Чырвонага Сцяга
• Медаль «За доблесную працу ў Вялікай Айчыннай вайне 1941—1945 гг.»
• Ганаровая грамата Вярхоўнага Савета БССР і інш.
• Заслужаны дзеяч навукі Беларускай ССР

Літаратура

• Іванова Вольга Аляксееўна // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 150. — 10 000 экз. — ISBN 985-11-0035-8. — ISBN 985-11-0130-3 (т. 7).

Спасылкі

• Іванова, Вольга Аляксееўна (кандыдат сельскагаспадарчых навук ; заатэхнія ; 1901—1986) // Нацыянальная бібліятэка Беларусі
• Иванова, Ольга Алексеевна (кандидат сельскохозяйственных наук, зоотехния ; 1901—1986) (руск.) // Нацыянальная бібліятэка Беларусі
• История кафедры генетики и разведения сельскохозяйственных животных им. О. А. Ивановой (руск.) // Віцебская дзяржаўная акадэмія ветэрынарнай медыцыны
• Іванова Вольга Аляксееўна на сайце анлайн-энцыклапедыі «Беларусь у асобах і падзеях»
• Иванова Ольга Алексеевна, кандидат сельскохозяйственных наук, зоотехния на сайце анлайн-энцыклапедыі «Беларусь у асобах і падзеях»