Вялікія Сухарэвічы

Вёска Вялікія Сухарэвічы Краіна Беларусь Вобласць Брэсцкая Раён Брэсцкі Сельсавет Чарнаўчыцкі Каардынаты 52°14′17″ пн. ш. 23°39′46″ у. д. Насельніцтва ▲16 чал. (2019) Часавы пояс UTC+3 Тэлефонны код +375 162 Паштовыя індэксы 224704 Аўтамабільны код 1 СААТА 1212846011 Вялікія Сухарэвічы на карце Беларусі ±

Вялікія Сухарэвічы на Вікісховішчы

Вялі́кія Сухарэ́вічы (трансліт.: Vialikija Sucharevičy, руск.: Великие Сухаревичи) — вёска ў Брэсцкім раёне Брэсцкай вобласці. Уваходзіць у склад Чарнаўчыцкага сельсавета. Размешчаны за 16 км на поўнач ад Брэста.

У складзе камунальнага ўнітарнага сельскагаспадарчага прадпрыемства «Садрассвет» (цэнтр — в. Вістычы).

Гісторыя

У XIX стагоддзі вёска ў Брэсцкім павеце Гродзенскай губерні. Уваходзіла ў склад маёнтка Вістычы. У 1858 годзе ўладанне пана Ягміна. У 1897 годзе ў Матыкальскай воласці Брэсцкага павета, дзейнічала школа граматы.

Паводле Рыжскага мірнага дагавора 1921 года ў складзе Польскай Рэспублікі, у Матыкальскай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну загінулі 17 жыхароў. У 1940—1954 гадах вёска ўваходзіла ў склад Казловіцкага сельсавета, да 8 верасня 1959 года — у склад Цюхініцкага сельсавета.

Насельніцтва

• 111 сялянскіх душ (1858)
• 35 двароў, 218 жыхароў (1897)
• 286 жыхароў (1905)
• 24 двары, 106 жыхароў (1921)
• 170 жыхароў (1959)
• 106 жыхароў (1970)
• 8 гаспадарак, 22 жыхары (2005)

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы ёсць медыяфайлы па тэме Вялікія Сухарэвічы