Мохавічы (Лідскі раён)

Вёска Мохавічы Каталіцкая капліца Краіна Беларусь Вобласць Гродзенская Раён Лідскі Сельсавет Тарноўскі Каардынаты 53°49′10″ пн. ш. 25°10′10″ у. д. Колькасць двароў 20 Насельніцтва 73 чалавекі (2004) Часавы пояс UTC+3 Тэлефонны код 0154 Паштовы індэкс 231308 Аўтамабільны код 4 СААТА 4236852081 Мохавічы на карце Беларусі ±

Мохавічы на Вікісховішчы

Мо́хавічы (трансліт.: Mochavičy, руск.: Моховичи) — вёска ў Лідскім раёне Гродзенскай вобласці. Уваходзіць у склад Тарноўскага сельсавета.

Знаходзіцца за 10 км на паўднёвы захад ад Ліды.

Гісторыя

Алтар-трыпціх «Святая Кацярына. Маці Божая. Святая Даратэя» з капліцы. 1-я палова XVII ст.

Вопіс парафій Лідскага дэканата 1784 года згадвае вёску Мохавічы ў Белагрудскай парафіі як уласнасць князя Ігнацыя Масальскага, біскупа віленскага.

Пасля трэцяга падзелу Рэчы Паспалітай (1795) вёска ў Расійскай імперыі. У пачатку XX стагоддзя вёска Тарноўскай воласці Лідскага павета, 10 жыхароў, 40 дзесяцін зямлі. У 1915 годзе акупавана Германіяй, з 1921 года ў складзе Польшчы. Паводле польскага перапісу насельніцтва 1921 года вёска Тарноўскай гміны Лідскага павета, 22 жылыя пабудовы, 247 жыхароў.

З 1939 года ў БССР. З канца чэрвеня 1941 года да пачатку ліпеня 1944 года пад нямецка-фашысцкай акупацыяй.

Насельніцтва

• 1996 год — 100 чал. (60 двароў)
• 2004 год — 65 чал. (45 двароў)

Славутасці

• Каталіцкая капліца (1930)
• Месца малітвы за ўдзельнікаў паўстання 1863—1864 гадоў. Мемарыял памяці паўстанцам Каліноўскага існаваў між вёскамі Малое Ольжава і Мохавічы за польскім часам, але пры саветах быў знішчаны. Лідскія патрыёты знайшлі публікацыі пра гэты помнік у тагачаснай прэсе і прыкладна на тым жа месцы ўсталявалі вялікі крыж, а таксама валун з надпісам «Невядомым паўстанцам». Дзесьці паблізу пахавана найменей 30 касінераў. Лідскія ўлады згоды на помнік не давалі, але вырашылі заплюшчыць вочы, шкоды не чынілі.

Вядомыя асобы

• Мар’ян Іванавіч Стралюк (1938—2000) — вучоны ў галіне энергетыкі.

Літаратура

• Памяць: Ліда. Лідскі раён: Гіст.-дак хронікі гарадоў і раёнаў Беларусі / Рэдкал В. Баранаў і інш. — Мн.: Беларусь, 2004. ISBN 985-01-0522-4

Спасылкі

• На Вікісховішчы ёсць медыяфайлы па тэме Мохавічы (Лідскі раён)
• Мохавічы (Лідскі раён) на сайце Глобус Беларусі (руск.)