Галіна Русак

Галіна Русак
Дата нараджэння	24 мая 1930(1930-05-24)
Месца нараджэння	Навагрудак, Навагрудскі павет, Навагрудскае ваяводства, Польская Рэспубліка
Дата смерці	14 верасня 2000(2000-09-14) (70 гадоў)
Грамадзянства	СССР  Беларусь
Бацька	Філарэт Родзька
Маці	Вера з Гулевічаў
Род дзейнасці	мастачка, мастацтвазнаўца
Навуковае званне	прафесар
Альма-матар	Універсітэт Фрайбурга Лёвенскі каталіцкі ўніверсітэт Канектыкуцкі каледж[d] Ратгерскі ўніверсітэт

Галіна Русак (дзявоч. Родзька; 24 мая 1930, Навагрудак, Гродзенская вобласць — 14 верасня 2000) — беларуская мастачка, мастацтвазнаўца, грамадскі дзеяч беларускай дыяспары ў ЗША, удзельніца агульнаамерыканскага руху за правы жанчын. Прафесар (1993).

Біяграфія

Нарадзілася ў сям'і беларускага дзеяча Філарэта Родзькі і Веры з Гулевічаў. Сястра Усевалада Родзькі.

З 1949 года жыла ў Амерыцы. Да ад'езду ў Новы Свет скончыла Фрайбургскі і Лёвенскі ўніверсітэты. Адукацыю завяршыла ў Амерыцы ў Канектыкуцкім каледжы, ступень магістра гуманітарных навук атрымала ў Ратгерскім універсітэце (штат Нью-Джэрсі). Працавала дырэктарам мастацкай бібліятэкі гэтага ўніверсітэта.

Творчасць мастачкі Г.Русак была добра вядомая ў ЗША і Канадзе, дзе яна неаднаразова выстаўлялася ў розных галерэях, але толькі ў 1992 годзе з выстаўкай яе твораў змаглі пазнаёміцца і ў Беларусі (адзіная персанальная выстаўка на Радзіме).

Уваходзіла ў склад кіраўніцтва Згуртавання беларускіх мастакоў і ўмельцаў.

Літаратура

• Трыгубовіч В. А. Русак Галіна // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 454. — 10 000 экз. — ISBN 985-11-0035-8. — ISBN 985-11-0216-4 (т. 13).