Горад Марцін

Горад Марцін Turčiansky Svätý Martin Сцяг Герб 49.063611, 18.92138949°03′49″ пн. ш. 18°55′17″ у. д.49.063611° пн. ш. 18.921389° у. д.    Краіна Славакія Першае згадванне 1284 Плошча 67,74 км² Вышыня цэнтра 395 м Насельніцтва (2004) 59 449 чалавек Шчыльнасць 877,61 чал./км² Часавы пояс UTC+1, улетку UTC+2 Тэлефонны код 0 43 Паштовы індэкс 036 01 Афіцыйны сайт http://www.martin.sk

Марцін

Марцін на Вікісховішчы

Марцін (славацк.: Turčiansky Svätý Martin, ням.: Turz-Sankt Martin, венг. Turócszentmárton) — горад у паўночнай Славакіі, знаходзіцца ля падножжа Малой і Вялікай Фатры пры зліцці рэк Турэц і Ваг. Насельніцтва каля 60 тыс. чалавек.

Гісторыя

Марцін упершыню згадваецца ў 1284 годзе як паселішча Склабінскага панства. У 1340 Марцін атрымлівае гарадскія правы.

Горад знакаміты першым чынам як сталіца славацкага нацыянальнага адраджэння. У 1861 тут адбыўся славацкі народны сход, які абвясціў мэты славацкага народа. Вынікам збор стаў заснаванне Славацкай маціцы, культурнай арганізацыі славакаў і ўзнікненне трох славацкіх гімназій. У 1893 узнікае Славацкі народны музей.

30 кастрычніка 1918 Славацкі народны сход прымае ў Марціне Дэкларацыю Славацкага Народа пра далучэнне Славакіі да Чэхаславакіі.

21.08.1944 славацкія партызаны занялі горад і абвясцілі пра аднаўленне Чэхаславакіі, але пасля цяжкіх баёў нямецкія войскі зноў занялі Марцін, які быў ізноў вызвалены 11.04.1945.

У наш час Марцін - прамысловы цэнтр славацкага Турца.

Выбітныя асобы

• Янка Есенскі (1874—1945) — славацкі празаік, паэт, перакладчык, літаратурны і палітычны дзеяч славацкага нацыянальнага руху.

Гл. таксама

• Славацкая маціца

У Сеціве

• На ВікіСховішчы ёсць медыяфайлы па тэме Горад Марцін
• Афіцыйная старонка горада