Джэйсан Кларк

Джэйсан Кларк
Агульная інфармацыя
Нарадзіўся	16 студзеня 1990(1990-01-16) (34 гады) Арлінгтан, Вірджынія, ЗША
Грамадзянства	ЗША
Альма-матар	Bishop Denis J. O'Connell High School[d] Джорджтаўнскі ўніверсітэт
Рост	1,9 м або 188 см
Вага	82 кг і 82 кг
Пазіцыя	атакавальны абаронца
Клубная кар’ера
2008—2012 Georgetown Hoyas men's basketball[d] 2013—2014 Спіру Шарлеруа[d] 2014 Гётынген[d] 2014 Спіру Шарлеруа[d] 2014—2016 Ankara DSİ S.K.[d] 2016—2018 Антверпен Джайэнтс[d] 2018—2019 Скайлайнерс Франкфурт[d] 2019—2020 Варэзэ[d] 2020—2021 Basket Torino[d] 2021—2022 Цмокі-Мінск

Джэйсан Кларк (нар. 16 студзеня 1990, Арлінгтан, ЗША) — амерыканскі баскетбаліст.

Кар’ера

З 2008 па 2012 гады вучыўся і гуляў за Джорджтаўнскі ўніверсітэт у NCAA. З чатырох студэнцкіх сезонаў у трох увесь час выходзіў у стартавай пяцёрцы, а найболей паспяховым стаў для яго выпускной. У сезоне 2011/12 ён у 33 гульнях у сярэднім набіраў 14.0 ачка, 4.1 падбору, 1.8 паса і 1.6 перахопу. Пасля заканчэння ўніверсітэта спрабаваў прабіцца праз летні лагер у стан клуба НБА «Маямі Хіт».

З восені 2012 года пачалася прафесійная кар’ера ў Старым Свеце. Спачатку бараніў колеры «Акапі» у чэмпіянаце Бельгіі, з якім дэбютаваў у Еўрачэленджы (15.2 ачка, 4.2 падбору, 2.8 паса, 2.7 перахопу), а на наступны год перайшоў у «Шарлеруа». Сезон-2014/15 выдаўся насычаным на пераезды. Дэбютаваў у нямецкім «Гётынгене», потым вярнуўся ў знаёмы «Акапі», за які зноў згуляў у Еўрачэленджы, асноўную ж частку сезона правёў у турэцкай «Анкары», дзе затрымаўся яшчэ на год. У 2016 годзе зноў вярнуўся ў добра знаёмую яму Бельгію і цягам двух гадоў дапамагаў «Антвэрпэну» у чэмпіянаце краіны і Еўракубку ФІБА (14.7 ачка, 2.2 падбору, 3.3 паса).

Паспяхова праведзены сезон дазволіў атрымаць запрашэнне з нямецкага «Скайлайнерса» (12.1 ачка, 2.8 падбору, 3.0 паса). З 2019 па 2021 год правёў у Італіі, дзе гуляў за «Варэзе» у Серыі А, і за «Тарына» у Серыі А2.

У кастрычніку 2021 года падпісаў кантракт з мінскімі «Цмокамі».

Спасылкі

• Джейсон Кларк стал игроком «Цмоки-Минск»