Дзяржаўныя сімвалы Ірландыі

З Вікіпедыі, свабоднай энцыклапедыі

Дзяржаўныя сімвалы Ірландыі — устаноўленыя Канстытуцыяй ад 1937 года адметныя знакі Рэспублікі Ірландыя: герб, сцяг і гімн.

Сцяг[правіць | правіць зыходнік]

Асноўны артыкул: Сцяг Ірландыі

Сцяг уяўляе з сябе прамавугольнае палотнішча, якое складаецца з трох вертыкальных роўнавялікіх палос: зялёнай, белай і аранжавай. Прапорцыя шырыні сцяга да яго даўжыні — 1:2.

Зялёны колер сімвалізуе католікаў, аранжавы — пратэстантаў, белы — мір паміж гэтымі канфесіямі. Упершыню сцяг быў прадстаўлены ірландскім нацыяналістам і рэвалюцыянерам Томасам Фрэнсісам Мегерам у Парыжы ў 1848 годзе. Мегер быў выхадцам з Ньюфаўндленда, і традыцыйна лічыцца, што сцяг быў выкананы ім па матывах трыкалора Ньюфаўндленда і Лабрадора, які з’явіўся пяццю гадамі раней[1][2], аднак існуе таксама версія паходжання сцяга ад сцяга Францыі.

Дакладныя колеры сцяга вызначаюцца ў кіраўніцтве, выпушчаным Дэпартаментам прэм’ер-міністра Ірландыі[3].

Герб[правіць | правіць зыходнік]

Асноўны артыкул: Герб Ірландыі

Ірландскі герб уяўляе сабой залатую арфу са срэбнымі струнамі ў блакітным (сінім) полі. Арфа доўгі час была геральдычным сімвалам Ірландыі. У сучасным выглядзе герб зацверджаны 9 лістапада 1945 года[4]. Ірландыя з’яўляецца адзінай краінай у свеце, дзяржаўным сімвалам якой служыць музычны інструмент. Арфа сімвалізуе важнасць музыкі ў ірландскай культуры і старажытнасць яе традыцый. Археолагі знаходзяць на тэрыторыі Ірландыі кельцкія арфы, датаваныя XII стагоддзем. Захаваныя старажытныя асобнікі адносяцца да XV стагоддзя.

Гімн[правіць | правіць зыходнік]

Асноўны артыкул: Гімн Ірландыі

Афіцыйны гімн Рэспублікі Ірландыя таксама вядомы як «Песня салдата» (ірл.: Amhrán na bhFiann). Першапачаткова тэкст быў напісаны ў 1907 годзе Педарам Кірні (Peadar Kearney) на англійскай мове. Затым сумесна з Патрыкам Хіні (Patrick Heeney) была напісана музыка, а Ліам О’Рын (Liam Ó Rinn) пераклаў тэкст на ірландскую.

У 1934 годзе ўрад Ірландыі выкупіў аўтарскія правы на песню за 1200 фунтаў стэрлінгаў[5].

Дзяржаўным гімнам Ірландыі песня стала яшчэ ў 1926 годзе, замяніўшы сабой брытанскі «God Save The King», які ніяк не падыходзіў новаўтворанай Ірландскай Свабоднай Дзяржавы. Уласна гімнам Ірландыі з’яўляецца толькі прыпеў песні, выкананы на ірландскай мове. Акрамя таго, першыя чатыры такты, якія пераходзяць у апошнія пяць тактаў песні, выкарыстоўваюцца ў якасці прывітання прэзідэнта Ірландыі — прэзідэнцкага салюту.

Неафіцыйныя і іншыя сімвалы[правіць | правіць зыходнік]

Заўвагі[правіць | правіць зыходнік]

  1. ↑ John FitzGerald, «Pink, white and green»(недаступная спасылка), The Independent, 9 января 2005 (англ.).
  2. ↑ Brian Lake, «The common history of the Newfoundland and Irish Tricolours» (англ.) Архівавана 3 сакавіка 2009.
  3. ↑ The National Flag: Guidelines for use of the National Flag Архівавана 15 чэрвеня 2007 года., Department of the Taoiseach. ISBN 0-7076-9101-X. (формат pdf)
  4. ↑ Office of the Chief Herald, Arms of Ireland Архівавана 18 мая 2013 года., The National Library of Ireland (Grant Type: Registration; Register volume: G.O. MS 111G; Folio number: 20; Date: 9 November 1945)
  5. ↑ Acts of the Oireachtas, Appropriation Act, 1934, пункт 75. Архівавана з першакрыніцы 29 сакавіка 2012. Праверана 18 снежня 2018.

Узята з "https://be.wikipedia.org/w/index.php?title=Дзяржаўныя_сімвалы_Ірландыі&oldid=4613154"