Дом па Мінскай вуліцы, 11 (Орша)

Славутасць
Дом па Мінскай вуліцы, 11
54°30′22″ пн. ш. 30°25′22″ у. д.
Краіна	Беларусь
Месцазнаходжанне	Орша
Архітэктурны стыль	цагляны стыль[d]
Дата пабудовы	пачатак XX ст.
Статус	Гісторыка-культурная каштоўнасць Беларусі, шыфр 212В000888
Медыяфайлы на Вікісховішчы

Дом па Мінскай вуліцы, 11 — будынак у Оршы. Вуглавы, па скрыжаванні вуліц Мінскай і Леніна, на ўзгорку. Пабудаваны ў пачатку XX ст. У савецкі час у ім размяшчаліся Дом піянераў і школьнікаў, музычная школа. У архітэктуры шырока выкарыстаны дэкаратыўныя ўласцівасці фігурнай цаглянай муроўкі.

Архітэктура

Двухпавярховы прамавугольны ў плане будынак накрыты двухсхільным дахам. Да галоўнага фасада асіметрычна далучаецца аб’ём уваходнага тамбура з міжпаверхавай лесвіцай, да тарцовага — прыбудова. Элементы дэкору фасадаў вырашаны сродкамі цаглянай муроўкі: ліштвы акон, сандрыкі, клінападобныя аркі, філёнгі, лапаткі, міжпаверхавы фігурны пояс. Папярочнай сцяной дом падзелены па 2 палавіны, планіроўка зменена адпаведна сучаснаму выкарыстанню.

Літаратура

• А. М. Кулагін. 135. Забудова вуліцы Мінскай // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл.

Спасылкі

• На Вікісховішчы ёсць медыяфайлы па тэме Дом па Мінскай вуліцы, 11 (Орша)