Даўжыня цела — 18—45 мм. Афарбоўка самца смаляна-чорная, бліскучая; самкі — чырванавата-карычневая ці бурая. Вусікі прымацаваны за межамі выемкі вачэй, трэці членік падоўжаны. Пярэднеспінка шырокая, бакавы край з трыма зубцамі.
Самкі адкладваюць яйцы ў глебе на адмерлыя карані і прыкаранёвую частку ствалоў і пнёў. Лічынкі развіваюцца ў драўніне дуба, граба і некаторых іншых лісцевых парод. Лёт жукоў назіраецца ў ліпені-жніўні. Жыццёвы цыкл — 2—3 гады.
