Забельскі школьны тэатр

Забельскі школьны тэатр — школьны тэатр, які дзейнічаў у XVIII ст. у в. Валынцы Верхнядзвінскага раёна пры Забельскім дамініканскім калегіуме. Апошні па часе школьны тэатр у Беларусі. Яго росквіт прыпаў на 1787—1791 гады. Меў багаты разнастайны рэпертуар створаны мясцовымі аўтарамі — выкладчыкамі паэтыкі і рыторыкі — на беларускай, польскай і лацінскай мовах. На сцэне тэатра былі пастаўлены 4 трагедыі, 5 камедый, у т.л. «Свабода ў няволі» і «Камедыя» К. Марашэўскага, «Сапар», «Доктар па прымусе» і «Шлюб, пастаўлены дагары нагамі штучкамі Арлекіна» М. Цяцерскага, «Крэз» і «Пышнагольскі» І. Юрэвіча, камічная опера «Апалон-заканадаўца, або Рэфармаваны Парнас» Р. Вардоцкага і М. Цяцерскага (1790—1791). Выконваліся таксама сцэнічныя дыялогі — «Пчолы», «Сяброўская парука», «Пра ашчасліўленне чалавека» і інш.

Літаратура

• Забельскі школьны тэатр // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.