Кляштар дамініканцаў (Ашмяны)
| Славутасць | |
| Кляштар дамініканцаў | |
|---|---|
![Абраз касцёла Найсвяцейшай Тройцы[1]](/wiki/%D0%A4%D0%B0%D0%B9%D0%BB:%D0%90%D0%B1%D1%80%D0%B0%D0%B7_%D0%B7_%D0%B4%D0%B0%D0%BC%D1%96%D0%BD%D1%96%D0%BA%D0%B0%D0%BD%D1%81%D0%BA%D0%B0%D0%B3%D0%B0_%D0%BA%D0%B0%D1%81%D1%86%D1%91%D0%BB%D0%B0_%D0%9D%D0%B0%D0%B9%D1%81%D0%B2%D1%8F%D1%86%D0%B5%D0%B9%D1%88%D0%B0%D0%B9_%D0%A2%D1%80%D0%BE%D0%B9%D1%86%D1%8B,_%D0%90%D1%88%D0%BC%D1%8F%D0%BD%D1%8B.jpg) Абраз касцёла Найсвяцейшай Тройцы[1] | |
| Краіна |
 Беларусь |
| Горад | Ашмяны |
| Дата заснавання | 1667 |
| Стан | знішчаны |
Кляштар дамініканцаў — кляштар каталіцкага манаскага ордэна.
Гісторыя[правіць | правіць зыходнік]
Заснаваны ў 1667 годзе земскім пісарам А. Пачобут-Адляніцкім ягонай жонкай Даротай з Аборскіх разам з касцёлам Найсвяцейшай Тройцы (закрыты разам з кляштарам ў 1850 годзе) у Ашмянах. Драўляны комплекс быў узведзены ў паўночнай частцы гандлёвай плошчы, па былой вул. Жупранскай. Апошні касцёл пад тытулам Найсвяцейшай Тройцы быў пабудаваны пасля пажару ў 1797 годзе. Кляштар быў разлічаны на 12 манахаў, пры кляштары дзейнічала школа на 10 вучняў. У гісторыі святыні памятная трагічная дата 15 красавіка 1831 года, калі расійскія вайскоўцы пасля сутычкі з паўстанцамі забілі ў горадзе каля 500 жыхароў, якія хаваліся ў касцёле, у тым ліку дзяцей і жанчын. У 1850 годзе кляштар быў ліквідаваны, апошнім прыёрам дамініканаў стаў кс. Пётр Ажахоўскі.
У 1872 годзе будынак касцёла быў разабраны (на гэтым месцы пабудавана праваслаўная царква) і намаганнямі ашмянскага бурмістра Эльяша Высоцкага і дэкана кс. Казіміра Сайкоўскага перанесены на каталіцкія могілкі ў якасці капліцы. Могілкавая святыня была асвечана пад тытулам Найсвяцейшай Марыі Панны. Капліца ў стылі класіцызм уяўляла сабой прамавугольны ў плане аб’ём, які складаўся з малітоўнай залы, амаль квадратнага прэзбітэрыя і дзвюх сакрыстый, перакрыты адзіным двухсхільным дахам. Галоўны фасад быў пазначаны чатырохкалонным порцікам. Пры савецкай уладзе капліца была зачынена і з часам ператварылася ў руіны. Але у маі 2004 годзе пачалася яе рэстаўрацыя.