Лейтэнант-адмірал
Лейтэнант-адмірал (нідэрл.: Luitenant-Admiraal, англ.: Lieutenant Admiral) — вышэйшае ваенна-марское званне ў некаторых краінах свету. У Каралеўскіх ваенна-марскіх сілах Нідэрландаў з’яўляецца званнем вышэй за віцэ-адмірала, але ніжэй за званне адмірала, якое было скасавана ў 1956 годзе, т.б. гэта званне з’яўляецца найвышэйшым ваенна-марскім званнем у ВМС Нідэрландаў. У некаторых іншых флотах свету гэта званне адпавядае званню поўнага адмірала[1].
У XVII стагоддзі кожны лейтэнант-адмірал галандскага флоту ўзначальваў адно з сямі адміралцействаў Нідэрландаў і ў перыяды войнаў на моры кіраваў баявой эскадрай, якая складалася з парусных караблёў, прыпісаных да адпаведнага адміралцейства.
За ваенныя заслугі знакамітым флатаводцам Нідэрландаў XVII стагоддзя — Міхілу Адрыянсану дэ Руйтэру (чын прысвоены ў лютым 1673; штатгальтар Нідэрландаў Вільгельм III меў у той час вышэйшы ваенна-марскі чын Нідэрландаў — адмірал-генерал — чын (званне) Вярхоўнага галоўнакамандуючага Флотам Нідэрландаў) і Карнелісу Тромпу (чын прысвоены 6 лютага 1679 года, у 1665 годзе часова выконваў абавязкі Вярхоўнага галоўнакамандуючага флотам Нідэрландаў, з 8 мая 1678 года быў адмірал-генералам Даніі) было прысвоена ваенна-марское званне (чын) лейтэнант-адмірал-генерал (нідэрл.: luitenant-admiraal-generaal).
Зноскі
- ↑ Online Encyclopedia and Dictionary — Lieutenant Admiral Архівавана 29 студзеня 2019.
Спасылкі[правіць | правіць зыходнік]
- http://www.123exp-warfare.com/t/03804491115/(недаступная спасылка)