Любоў Лук’янаўна Нічыпарук
Любоў Лук’янаўна Нічыпарук | |
---|---|
Род дзейнасці | палітык |
Дата нараджэння | 12 красавіка 1923 |
Месца нараджэння | |
Дата смерці | 3 лістапада 2012 (89 гадоў) |
Месца смерці | |
Грамадзянства | |
Партыя | |
Узнагароды і прэміі |
Любоў Лук’янаўна Нічыпарук (12 красавіка 1923, в. Баяры Брэсцкага павета Палескага ваяводства — 3 лістапада 2012, Расна, Камянецкі раён) — перадавік сельскагаспадарчай вытворчасці, Герой Сацыялістычнай Працы (1966).
Біяграфія[правіць | правіць зыходнік]
Скончыла чатыры класы польскай школы ў 1936 годзе.
З 1949 года працавала ў калгасе «Савецкая Беларусь»: у паляводчай брыгадзе, затым кладаўшчыцай. У 1955—1957 гадах была звеннявой па вырошчванні лёну і кукурузы.
З лютага 1957 года — даярка на калгаснай ферме. За высокія надоі малака 22 сакавіка 1966 года ўдастоена звання Героя Сацыялістычнай Працы з уручэннем ордэна Леніна і медаля «Серп і Молат».
Займалася грамадскімі справамі. У 1963 годзе была прынята ў КПСС. Абіралася дэпутатам Высокаўскага раённага Савета дэпутатаў працоўных, Вярхоўнага Савета СССР 6-га склікання (1962—1966).
З 1978 года была пенсіянерам саюзнага значэння, але працягвала выконваць розныя работы ў калгасе.
Калі ў 1991 годзе ў Расне пачалі ўзводзіць Свята-Міхайлаўскую царкву, шмат дапамагала на будаўніцтве. За дапамогу была ўзнагароджана Граматай Патрыяршага Экзарха ўсяе Беларусі Філарэта (2002).
Літаратура[правіць | правіць зыходнік]
- Нічыпарук Любоў Лук’янаўна // Беларуская ССР : кароткая энцыклапедыя : у 5 т. Мінск, 1981. Т. 5. С. 451.
- «Савецкая Беларусь» : [гісторыя калгаса; узгадваецца Л. Л. Нічыпарук] // Памяць. Камянецкі раён : гіст.-дакум. хроніка. Мінск, 1997. С. 455—457.
- Нічыпарук Любоў Лук’янаўна // Беларуская савецкая энцыклапедыя : у 12 т. Мінск, 1973. Т. 7. С. 522.
- Асобы
- Нарадзіліся 12 красавіка
- Нарадзіліся ў 1923 годзе
- Нарадзіліся ў Брэсцкім павеце (1921—1940)
- Памерлі 3 лістапада
- Памерлі ў 2012 годзе
- Памерлі ў Камянецкім раёне
- Члены КПСС
- Героі Сацыялістычнай Працы
- Кавалеры ордэна Леніна
- Узнагароджаныя Граматай Патрыяршага экзарха ўсяе Беларусі
- Нарадзіліся ў Брэсцкім раёне
- Дэпутаты Вярхоўнага Савета СССР 6-га склікання
- Дэпутаты раённых саветаў Беларусі