Людміла Мікалаеўна Сінельнікава

Людміла Мікалаеўна Сінельнікава
Дата нараджэння	24 ліпеня 1950(1950-07-24) (73 гады)
Месца нараджэння	Варонеж, Варонежская вобласць, РСФСР, СССР
Адукацыя	Варонежскае харэаграфічнае вучылішча[d] (1968)
Прафесія	балерына
Тэатр	Варонежскі дзяржаўны тэатр оперы і балета[d] Татарскі акадэмічны дзяржаўны тэатр оперы і балета імя Мусы Джаліля[d] Дзяржаўны акадэмічны Вялікі тэатр оперы і балета БССР
Член у	БСТД
Узнагароды

Людміла Мікалаеўна Сінельнікава (нар. 24 ліпеня 1950, г. Варонеж, Расія) — беларуская артыстка балета. Заслужаная артыстка Беларусі (1979).

Біяграфія

У 1968 годзе скончыла Варонежскае харэаграфічнае вучылішча.

Працавала ў тэатрах оперы і балета Варонежа і Казані.

У 1972—1982 — салістка Дзяржаўнага тэатра оперы і балета Беларусі

Член Беларускага саюза тэатральных дзеячаў‎ з 1973 года.

Творчасць

Яе творчая індывідуальнасць найбольш яскрава выявілася ў партыях лірычнага плана.

На беларускай сцэне стварыла запамінальныя, выразныя вобразы Папялушкі («Папялушка» С. Пракоф’ева), Марыі («Бахчысарайскі фантан» Б. Асаф’ева), Евы («Стварэнне свету» А. Пятрова), Адэты — Адыліі («Лебядзінае возера» П. Чайкоўскага), Раймонды («Раймонда» А. Глазунова), Жызэлі («Жызэль» А. Адана), Лізы («Ліза і Кален» Ф. Герольда), Радысачкі («Чыпаліна» К. Хачатурана), выконвала таксама Мазурку і Прэлюд у балеце «Шапеніяна» на музыку Ф. Шапена і інш.

Лаўрэат Міжнароднага конкурсу артыстаў балета ў Варне (1970, Балгарыя).

Літаратура

• Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).
• Людміла Мікалаеўна Сінельнікава // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.