Мілена Драгічэвіч-Шэшыч
| Мілена Драгічэвіч-Шэшыч | |
|---|---|
| сербск.: Милена Драгићевић Шешић | |
 Пад час лекцыі ў Галерэі сучаснага мастацтва «Ў», Мінск, 5.02.2015 | |
| Дата нараджэння | 3 лютага 1954 (70 гадоў) |
| Месца нараджэння | |
| Грамадзянства | |
| Род дзейнасці | вучоная, мастацтвазнаўца |
| Навуковая сфера | культурная палітыка, менеджмент у культуры |
| Месца працы | |
| Навуковая ступень | дэкан факультэта драматычных мастацтваў |
| Навуковае званне | прафесар |
| Вядомыя вучні | Ірына Стальная |
| Вядомая як | Кіраўнік аддзела культурнай палітыкі ЮНЕСКА |
 Медыяфайлы на Вікісховішчы | |
Мілена Драгічэвіч-Шэшыч (3 лютага 1954, Трагір, Харватыя, СФРЮ) — міжнародны эксперт у галіне культурнай палітыкі і менеджменту ў культуры, кіраўнік секцыі ЮНЕСКА па культурнай палітыцы, прафесар і дэкан факультэта драматычных мастацтваў Універсітэта мастацтва ў Белградзе. Член Нацыянальнага савета па навукова-тэхнічнаму развіццю (2006—2010 гады). Член Сената Універсітэта мастацтва ў Белградзе. Рэктар Універсітэта мастацтваў у Белградзе (2000—2004).
Біяграфія[правіць | правіць зыходнік]
Аспірантура ва ўніверсітэтах Парыж VIII у Венсене (1976/77) і Універсітэт Парыж IV Сарбона (1977/78), кандыдацкую дысертацыю абараняла на факультэце філалогіі ў Белградзе ў 1990 годзе, з 1991 года працуе ў якасці ардынарнага прафесара ў Еўрапейскай камісіі кіравання культурай (Брусель), па запрашэнні выкладае ў розных універсітэтах свету (Лондан, Бухарэст, Масква, Дрэздэн).
З’яўляецца даследчыкам, пісьменнікам, кансультантам, аўтарам і рэдактарам шматлікіх кніг і даследаванняў. Яе працы былі пераведзены на 15 моў. Аўтар больш за 100 артыкулаў па шырокаму колу пытанняў, у тым ліку арт-менеджменту, культурнай палітыкі і міжкультурных адносін. Прымала ўдзел у больш чым 50 культурных праектаў у Паўднёва-Усходняй Еўропе, дзяржавах-сябрах ЕС і іншых краінах Еўропы, Міжземнамор’я, Каўказа, Цэнтральнай Азіі і Індыі.
Міжнародны выкладчык культурнай палітыцы і кіравання. Эксперт-кансультант па культурнай палітыцы і кіраванню Еўрапейскага культурнага фонда, Савета Еўропы, ЮНЕСКА, Фонда Марсэля Хіктера (Бельгія), Швейцарскага савета па культуры «Про Гельвецыя», Брытанскага Савета.
З’яўляецца членам Міжнароднай Асацыяцыі французскіх культуролагаў, сацыёлагаў і эканамістаў, Міжнароднай асацыяцыі культуры, членам Выканаўчага савета Еўрапейскай асацыяцыі цэнтра падрыхтоўкі менеджэраў у сферы культуры (Гамбург), членам рэдкалегіі «Еўрапейскага журнала культурнай палітыкі» і рэдакцыйнай калегіі часопіса «Культура» (Белград).
Зноскі
Спасылкі[правіць | правіць зыходнік]
- https://www.culturalmanagement.ac.rs/en/see/cv/milena-dragicevic-sesic Milena Dragićević Šešić, PhD (англ.)