Паралельныя маці

Паралельныя маці
ісп.: Madres paralelas
Жанр	драматычны фільм
Рэжысёр	Педра Альмадовар
Прадзюсар	Agustín Almodóvar[d] Esther García[d]
Сцэнарыст	Педра Альмадовар
У галоўных ролях	Пенелопа Крус Росі дэ Пальма Aitana Sánchez-Gijón[d] Milena Smit[d] Israel Elejalde[d] Julieta Serrano[d] Daniela Santiago[d] Adelfa Calvo[d] José Javier Domínguez[d]
Аператар	José Luis Alcaine Escaño[d]
Кампазітар	Альберта Іглесіяс
Кінакампанія	El Deseo[d], Sony Pictures Entertainment[d], RTVE[d] і Remotamente Films[d]
Працягласць	123 хв.
Бюджэт	11 000 000 €
Краіна	Іспанія
Мова	іспанская
Год	8 кастрычніка 2021, 27 студзеня 2022 і 10 сакавіка 2022
IMDb	ID 12618926
Медыяфайлы на Вікісховішчы

«Паралельныя маці» (ісп.: Madres paralelas) — атмасферная драма ад іспанскага класіка Пэдра Альмадовара з шыкоўнай Пенелопай Крус у галоўнай ролі. Карціна была фільмам-адкрыццём 78-га Венецыянскага міжнароднага кінафестываля, і там стужку сустрэлі дзевяціхвіліннай авацыяй.

Сюжэт

Галоўныя гераіні стужкі — іспанкі Джэніс і Анна, якія сталі маці ў адзін дзень. Джэніс — прафесійная фатографка ва ўзросце за трыццаць, што чакае дзіця ад жанатага крыміналіста-антраполага Артура.

У палаце шпіталя, дзе Джэніс збіраецца нараджаць дзіця, яна сустракае яшчэ адну будучую маці, Анну. Гэта дзяўчына-падлетак, якая зацяжарала пры даволі складаных абставінах. Абедзве жанчыны нараджаюць дачок у адзін і той жа дзень і дапамагаюць адна адной падчас пераходу ў статус маці. Далей лёсы жанчын пераплятаюцца.

Паралельна з матывам мацярынства — дарэчы, любімым Альмадоварам — рэжысёр уздымае яшчэ і тэму вайны. Джэніс, жыхарка Мадрыда, захопленая адной мэтай — раскрыць у яе роднай вёсцы масавае пахаванне ахвяр грамадзянскай вайны, дзе ляжаць парэшткі яе прадзеда і яго паплечнікаў, чыю памяць ніхто ніколі не ўшаноўваў належным чынам.

Джэніс хоча гэта выправіць, бо некалі яна дала абяцанне сваёй бабулі дастойна пахаваць прадзеда, яе бацьку. Бабуля, што і вырасціла Джэніс, апошні раз бачыла тату ва ўзросце сваіх дзесяці гадоў, калі яго забралі з дому фалангісты — прадстаўнікі галоўнай партыі пры таталітарным рэжыме Франка.