Партызанская брыгада імя А. К. Флегантава
Партызанская брыгада імя А. К. Флегантава («За Радзіму») | |
---|---|
Гады існавання | 1942—1944 |
Краіна |
СССР Беларуская ССР |
Падпарадкаванне | Беларускі штаб партызанскага руху |
Уваходзіць у | Брэсцкае партызанскае злучэнне |
Тып | партызаны |
Функцыя | змаганне з акупантамі |
Колькасць | 895 партызан (25.3.1944) |
Войны |
Другая сусветная вайна Вялікая Айчынная вайна |
Удзел у | |
Камандзіры | |
Вядомыя камандзіры |
Партызанская брыгада імя А. К. Флегантава (да красавіка 1943 года партызанская брыгада «За Радзіму») — партызанская брыгада, створаная ў кастрычніку 1942 года ў Чэрвеньскім раёне. Дзейнічала на акупаванай тэрыторыі Чэрвеньскага, Пухавіцкага, Асіповіцкага, Бабруйскага, Маларыцкага, Дзівінскага раёнаў БССР і Камінь-Кашырскага раёна Валынскай вобласці.
Склад[правіць | правіць зыходнік]
Брыгада была створана на базе атрадаў Аляксея Канідзеевіча Флегантава (пачаў арганізоўвацца ў снежні 1941; пазней атрад «Баявы»), Уладзіміра Андрэевіча Ціхамірава (пазней імя Сталіна), Івана Захаравіча Кузняцова (пазней «Чырвоны сцяг»), 752-га, «Полымя». У снежні 1942 года ў брыгаду увайшоў атрад імя Варашылава, 752-і атрад быў вылучаны з брыгады для стварэння 1-й Бабруйскай партызанскай брыгады. У сакавіку атрад імя Сталіна быў разгорнуты ў 12-й кавалерыйскай партызанскай брыгады імя І. В. Сталіна. У чэрвені 1943 года на базе атрада «Полымя» і новасфарміраванага атрада імя Чапаева створана партызанская брыгада «Полымя». У жніўні 1943 на базе атрадаў «Чырвоны сцяг» і імя Варашылава створана партызанская брыгада «Чырвоны Сцяг». У брыгадзе дзейнічаў партызанскі атрад імя П. Л. Валькова, створаны ў кастрычніку 1943. У студзені 1944 атрад быў перадыслацыраваны да чыгуначнага ўчастка Ковель — Брэст, дзе дзейнічаў самастойна. 12 ліпеня 1944 года атрад (215 партызан) злучыўся з Чырвонай Арміяй.
Камандаванне[правіць | правіць зыходнік]
Камандзіры[правіць | правіць зыходнік]
- Аляксей Канідзеевіч Флегантаў (загінуў);
- Яўген Фёдаравіч Філіпскіх;
- Фёдар Фёдаравіч Тараненка;
- Іван Васілевіч Жохаў;
- М. Ф. Ваганаў.
Камісары[правіць | правіць зыходнік]
- Георгій Раманавіч Чарняўскі;
- Іван Васілевіч Жохаў;
- І. І. Раманаў.
Начальнікі штаба[правіць | правіць зыходнік]
- Фёдар Фёдаравіч Тараненка;
- У. І. Бабкоў;
- І. І. Раманаў;
- М. Ф. Ваганаў;
- І. В. Мацюшаў.
Гісторыя[правіць | правіць зыходнік]
28 жніўня — 11 кастрычніка 1942 года атрад Флегантава зрабіў баявы рэйд у варожым тыле з Усвяцкага раёна Клінінскай вобласці ў Чэрвеньскі раён. У час рэйду 12 верасня 1942 года разам з партызанамі брыгады Дубава ў засадным баі на дарозе Камень — Лепель каля вёскі Бароўка знішчыў аўтатранспартную калону з канвоем. Разам з Сіроцінскай і 3-й беларускай партызанскай брыгадай і мясцовым насельніцтвам 31 жніўня 1942 года на ўчастку Лоўжа — Обаль разбурылі дзесяць кіламетраў чыгуначнага палатна. З 22 кастрычніка да 25 лістапада 1942 года падарвалі чатырнаццаць эшалонаў, у тым ліку два абстралялі і знішчылі. 19 верасня — 14 лістапада 1943 года брыгада перадыслацыравалася з Чэрвеньскага ў Маларыцкі раён. У час рэйду брыгада прайшла каля 860 кіламетраў праз 162 населеныя пункты, правяла тры сустрэчныя баі.
Пасля злучэння з Чырвонай Арміяй брыгада была ўключана ў склад 38-й гвардзейскай стралковай дывізіі. Трымала абарону каля вёскі Картэлісы Ратнэўскага раёна Валынскай вобласці, Воса Дзівінскага раёна і пераправы цераз Прыпяць каля вёскі Ветлы Камінь-Кашырскага раёна.
25 сакавіка 1944 года брыгада (895 партызан; атрады «Баявы» (да мая 1943 атрад Флегантава), 44-ы, імя Літвінава (нададзена імя камандзіра ўзвода атрада «Баявы» П. М. Літвінава, які загінуў у баі), 45-ы) злучылася з Чырвонай Арміяй. Расфарміравана ў красавіку — чэрвені 1944 года паатрадна.
Літаратура[правіць | правіць зыходнік]
- Беларусь у Вялікай Айчыннай вайне, 1941—1945: Энцыкл. / Рэдкал.:І. П. Шамякін (гал. рэд.) і інш.. — Мн.: БелСЭ, 1990. — 680 с. — 20 000 экз. — ISBN 5-85700-012-2.