Святлана Валер’еўна Фаменка
| Святлана Валер’еўна Фаменка | |
|---|---|
 | |
| Род дзейнасці | дзяржаўны служачы, палітык |
| Дата нараджэння | 19 лістапада 1976 (47 гадоў) |
| Месца нараджэння | |
| Альма-матар | |
Святлана Валер’еўна Фаменка (укр.: Світлана Валеріївна Фоменко; нар. 19 лістапада 1976 г., Кіеў, Украіна) — украінскі грамадска-палітычны дзеяч, выконвала абавязкі міністра культуры, моладзі і спорту (з 10 сакавіка 2020 г.).
Біяграфія[правіць | правіць зыходнік]
Святлана Фаменка нарадзілася 19 лістапада 1976 г. у Кіеве. Скончыла Кіеўскі ўніверсітэт імя Тараса Шаўчэнкі (1999, магістр; спецыяльнасць — «Рамана-германскія мовы і літаратура»), Нацыянальную акадэмію дзяржаўнага кіравання пры Прэзідэнце Украіны (2011, спецыяльнасць «Публічнае адміністраванне», спецыялізацыя «Еўрапейскае супрацоўніцтва»), аспірантуру НАДУ (2015).
Грамадска-палітычная дзейнасць[правіць | правіць зыходнік]
У 2004—2006 гадах дарадца генеральнага дырэктара Генеральнай дырэкцыі Кіеўскага гарадскога савета па абслугоўванні замежных прадстаўнікоў. З сакавіка 2007 года — галоўны спецыяліст, з 2008 года — начальнік аддзела міжнароднага супрацоўніцтва і еўрапейскай інтэграцыі Упраўлення міжнародных сувязей апарата ВА КМР (КМДА). З 2013 года — начальнік Упраўлення міжнароднага супрацоўніцтва Міністэрства культуры Украіны.
У жніўні-снежні 2014 года — намеснік Міністра культуры Украіны па пытаннях еўрапейскай інтэграцыі. З 2015 года — памочнік-кансультант народнага дэпутата Украіны Віктара Яленскага, намесніка старшыні Камітэта ВРУ па пытаннях культуры і духоўнасці. З красавіка 2016 года — Першы намеснік Міністра культуры Украіны.
Са студзеня 2020 года — намеснік Міністра культуры, моладзі і спорту Украіны па пытаннях еўрапейскай інтэграцыі. З 10 сакавіка 2020 года — часова выконваючая абавязкі міністра культуры, моладзі і спорту Украіны.