Свірскія азёры

Свірскія азёры (Свірская група азёр) — група азёр на паўночным захадзе Беларусі, у Нарачана-Вілейскай нізіне, на тэрыторыі Вілейскага і Мядзельскага раёнаў Мінскай вобласці. Адносяцца да басейна ракі Страча (прыток Віліі).

У Свірскую групу ўваходзяць наступныя азёры:

• Свір
• Вішнеўскае
• Свірнішча
• Глухое
• Тушча

і інш.

Азёры размешчаны ў доўгай, выцягнутай амаль на 25 км з паўночнага захаду на паўднёвы ўсход лагчыне ў шырокім міжпагоркавым паніжэнні. З захаду ўшчыльную прылягаюць высокія (да 25 м) схілы Свірскай грады, пакатыя ўсходнія схілы прадстаўлены адгор'ямі Канстанцінаўскай грады. Возера Вішнеўскае праз раку Смолка мае сцёк у возера Свір, з якога выцякае рака Свірыца, якая ўпадае ў Страчу. Азёры Свірнішча і Глухое маюць сцёк у раку Свірыцу праз каналізаваны ручай.

Азёры і навакольная тэрыторыя ўваходзяць у нацыянальны парк «Нарачанскі»

Спасылкі

• Азёры Нацыянальнага парка «Нарачанскі»(недаступная спасылка)