Стыхакокус

Стыхакокус
Навуковая класіфікацыя
Дамен:  Эўкарыёты Царства:  Расліны Аддзел:  Зялёныя водарасці Клас:  Trebouxiophyceae Парадак:  Prasiolales Сямейства:  Prasiolaceae Род:  Стыхакокус
Міжнародная навуковая назва
Stichococcus Nägeli
Выявы на Вікісховішчы ITIS   6411 NCBI   29646 IPNI   ???

Стыхакокус (Stichococcus) — род аднаклетачных і ніткавых зялёных водарасцей.

Апісанне

Ніткі кароткія з двух-чатырох клетак, лёгка распадаюцца. Клеткі даўжынёй ад 1,5 да 50 мкм, цыліндрычныя, эліпсоідныя да шарападобных, прамыя або крыхку сагнутыя, з тонкай абалонкай, канцавыя — акругленыя. Хларапласт пласціністы, дыска- або карытападобны, прысценны, без пірэноіда.

Размнажэнне вегетатыўнае — папярочным дзяленнем клетак і распаданнем нітак.

Пашырэнне

Пераважна наземныя віды, асобныя трапляюцца сярод планктону праточных і стаячых вадаёмаў. На Беларусі ў глебах адзначаны cтыхакокус меншы (Stichococcus minor), cтыхакокус зменлівы (Stichococcus variabilis), cтыхакокус палачкападобны (Stichococcus bacillaris), які трапляецца і ў азёрах.

Літаратура

• Т. М. Міхеева. Стыхакокус // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.