Трыялет

З пляцоўкі Вікіпедыя
Перайсці да: рух, знайсці

Трыяле́т (фр.: triolet, trio — трое) — адна з так званых цвёрдых формаў лірычнай паэзіі. Упершыню з'явіўся ў Францыі ў XIV стагоддзі, як скарочаная форма рандэля.

Трыялет уяўляе сабой верш, які складаецца з 8 радкоў і мае наступную структуру: парадак рыфмаў — a-b-a-a-a-b-a-b, першы, чацверты і сёмы радкі строга супадаюць, тое ж датычыцца другога і восьмага радка. Паўторы вершаваных радкоў у трыялеце павінны матывавацца натуральным развіццём тэмы твора, завастраць увагу чытача на яго асноўнай думцы.

Прыкладам трыялету можа служыць наступны верш Максіма Багдановіча:

Мне доўгае расстанне з Вамі
Чарней ад Вашых чорных кос,
Чаму ж нядобры час прынёс
Мне доўгае расстанне з Вамі?
Я пабляднеў ад горкіх слёз
І трыялет пачаў славамі:
Мне доўгае расстанне з Вамі
Чарней ад Вашых чорных кос.

Літаратура[правіць | правіць зыходнік]