Уладзіслаў Тадэвуш Быхавец
| Уладзіслаў Тадэвуш Быхавец | |
|---|---|
![Магіла[d]](/wiki/%D0%A4%D0%B0%D0%B9%D0%BB:POL_COA_Mogi%C5%82a.svg) Магіла[d] | |
| Смерць | 10 жніўня 1761 |
| Род | Быхаўцы |
| Бацька | Самуэль Дабрагост Банавентура Быхавец |
| Маці | Крысціна з Дэнгафаў[d] |
| Жонка | Галена з Біспінгаў[d] і Марыяна з Нінеўскіх[d] |
| Дзеці | Ян Мікалай Быхавец, Тэрэза з Быхаўцаў[d] і Ігнацый Быхавец[d] |
Уладзіслаў Тадэвуш Быхавец (? — 10 жніўня 1761) — ураднік Вялікага Княства Літоўскага.
Біяграфія[правіць | правіць зыходнік]
Паходзіў са шляхецкага роду Быхаўцаў герба «Магіла». Сын Самуэля Дабрагоста Банавентуры і Крысціны з Дэнгафаў[1].
Cпярша падчашы менскі (1714—1726 гг.), суддзя Галоўнага трыбунала ВКЛ (1714 і 1736) і староста люцынскі (1718), харужы пяцігорскі знаку Пана падкаморыя ВКЛ (1725) і стольнік ваўкавыскі (1726), суддзя гродскі ваўкавыскі (1727—1736 гг.), затым — падстароста судовы Ваўкавыскага павета (1738—1740) і суддзя земскі ваўкавыскі (1740—1761)[1].
У Ваўкавыскім павеце валодаў маёнткам Раневічы ці Граневічы (1726 г.) і сваёй часткай Лыскава (з Магілёўцамі). 5 сакавіка 1726 заставіў сваю частку Лыскава за 50 000 злотых сваёй жонцы Галене з Біспінгаў. Як вынікае з ліста да маці ад 13 кастрычніка 1734 г., Уладзіслаў Тадэвуш Быхавец меў 47 дымоў[1].
Памёр 10 жніўня 1761 года[1].
Сям’я[правіць | правіць зыходнік]
Два разы браў шлюб — першы раз у 1726 г. з Галенай Біспінг, суддзянкай земскай старадубаўскай, якой таго ж года . У 1739 г. яго жонкай была ўжо Марыяна Нінеўская[1].
Ад першай жонкі меў сына Яна Мікалая (каля 1732 — ?), а ад другой — сына Ігната (Ігнацыя) і тры дачкі: Тэрэзу, Яганну і Францішку[1].
Тэрэза стала жонкай Антонія Сухадольскага (каля 1750—1799), гаспадара маёнтка Рагозніца, дзе ён у 1791 г. пабудаваў прыгожы палац, які захаваўся да нашых дзён. Тэрэза была бабкай знакамітага польскага мастака-баталіста Януарыя Сухадольскага (1797—1875)[2].
Малодшы сын Ігнацый з жонкай Нявінскай меў сыноў Юзафа, Яна і Антонія[2].
Зноскі
- ↑ а б в г д е Архіварыус: зб. навук. паведамл. і арт. ; вып. 11 / рэд..: Ю. М. Бохан [і інш.]. — Мінск : НГАБ, 2013. — 318 с. — (серыя «Гісторыя, архівазнаўства, крыніцазнаўства»). ISSN 2225-4412.
- ↑ а б Папко В. М. РОД БЫХАЎЦАЎ ГЕРБУ «МАГІЛА» НА БРЭCЧЫНЕ
Літаратура[правіць | правіць зыходнік]
- Семянчук Г. Быхаўцы // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 91. — 696 с. — ISBN 978-985-11-0487-7 (т. 3), ISBN 985-11-0315-2.
