Форум Нервы

З пляцоўкі Вікіпедыя.
Перайсці да: рух, знайсці
Храм Мінервы на форуме

Форум Нервы (лац.: Forum Nervæ) — трэці з чатырох імператарскіх форумаў Рыма, таксама зваўся Forum Transitorium. Будаўніцтва гэтага форума было пачата пры імператары Веспасіяне ці Даміцыяне, аднак скончана толькі ў 98 годзе пры Нерве і названы ў яго гонар.

Форум размяшчаўся паміж Форумам Аўгуста і Храмам Міру імператара Веспасіяна, адсюль назва Forum Transitorium: форум — «праход» ці «пасаж» (120 на 45 метраў). Форум таксама злучаў Аргілет (Argiletum, вуліца ці жылы раён Старажытнага Рыма) і Рымскі Форум.

На форуме Нервы знаходзіўся невялікі храм, прысвечаны Мінерве, які быў разбураны ў 1606 годзе па загаду Папы Паўла V для будаўніцтва фантана Acqua Paola і капэлы Борджа ў Санта Марыя Маджорэ), а таксама калоннай залы. Да нашых дзён захаваліся толькі 2 гранітныя калоны (так званыя Colonacce — Велізарныя калоны), частка сцяны і рэльеф з выявай Мінервы. Вялікая частка гэтага форума таксама пахавана пад вуліцай Віа дэі Форы Імперыялі.

Гл. таксама[правіць | правіць зыходнік]

Спасылкі[правіць | правіць зыходнік]

Літаратура[правіць | правіць зыходнік]

  • Stierlin, Henri Imperium Romanum — Köln: Benedikt Taschen Verlag GmbH, 1996. — ISBN 3-8228-8729-3.

Каардынаты: 41°53′35.26″ пн. ш. 12°29′10.95″ у. д. / 41.893128° пн. ш. 12.486375° у. д. (G) (O) (Я)