Яўгенія Міхайлаўна Дэмбская

Яўгенія Міхайлаўна Дэмбская
Яўгенія Міхайлаўна Дэмбская
	укр.: Євгенія Михайлівна Дембська
Род дзейнасці	акцёрка, спявачка
Дата нараджэння	28 лістапада 1920
Месца нараджэння	Кіеў, УССР;
Дата смерці	29 чэрвеня 2019 (98 гадоў)
Месца смерці	Адэса, Адэская вобласць, Украіна;
Месца пахавання	Другія Хрысціянскія могілкі Адэсы[d];
Грамадзянства	СССР; Украіна;
Месца працы	Адэскі акадэмічны тэатр музычнай камедыі[d];
Альма-матар	Львоўская нацыянальная музычная акадэмія імя Мікалая Лысенкі;
Узнагароды і прэміі	; ; ;
	Медыяфайлы на Вікісховішчы

Яўгенія Міхайлаўна Дэмбская (28 лістапада 1920, Кіеў — 29 чэрвеня 2019, Адэса) — украінская актрыса. Народная артыстка Украіны (2000). Ганаровы грамадзянін Адэсы (2013).

Біяграфія[правіць | правіць зыходнік]

Нарадзілася ў музычнай сям’і, у якой выхоўвалася тры дачкі — Валянціна, Неаніла і Яўгенія. У тры гады страціла бацьку.

Першы муж — піяніст Аляксандр Кац, быў прызваны ў РСЧА ў 1939 годзе, прымаў удзел у Вялікай Айчыннай вайне і загінуў, вызваляючы Кіеў.

Скончыла Кіеўскае музычнае вучылішча (1939), вучылася ў Кіеўскай кансерваторыі (1939—1941). З 1940 года — салістка Кіеўскага тэатра малых формаў. Патрапіла ў акупацыю падчас Вялікай Айчыннай вайны. У тэатры «Кляйн кунст тэатр» выступала па 1945 год. У канцы вайны разам з трупай апынулася ў Венгрыі, выступала перад савецкімі салдатамі. Пераехала ў Львоў, выступала ў клубе рэпатрыянтаў.

Скончыла Львоўскую кансерваторыю (1946), выступала з Міхаілам Вадзяным у канцэртах як салістка Львоўскай філармоніі, у 1946 годзе ўдзельнічала ў стварэнні Львоўскага тэатра музычнай камедыі.

У 1953 годзе разам з тэатрам пераехала ў Адэсу, вядучая салістка Адэскага акадэмічнага тэатра музычнай камедыі.

Другі муж — Аляксей Пятровіч Крыніцкі, адвакат.

У кіно з 1957 па 1990 гг.

Памерла на 99-м годзе жыцця 29 чэрвеня 2019 года ў Адэсе. Пахаваная 1 ліпеня 2019 года на Другіх Хрысціянскіх могілках Адэсы.

Зноскі