Адэская вобласць

Адэская вобласць
Одеська область

Герб	Сцяг
Краіна	Украіна
Статус	Вобласць
Уключае	26 раёнаў
Адміністрацыйны цэнтр	Адэса
Вялікія гарады	Белгарад-Днестроўскі Ізмаіл, Ільічэўск
Дата ўтварэння	27 лютага 1932 г.
Афіцыйная мова	украінская
Насельніцтва (2006)	2,402 млн (5,12 %, 6-е месца)
Шчыльнасць	72,12 чал./км²
Плошча	33,31 тыс. км² (5,51 %, 1-е месца)
Часавы пояс	GMT +2
Тэлефонны код	+38 048
Паштовыя азначнікі	65xxx, 66xxx, 67xxx, 68xxx
Інтэрнэт-дамен	odessa.ua; od.ua
Код аўта. нумароў	BH
Афіцыйны сайт

Адэская вобласць (укр.: Одеська область) — вобласць на поўдні Украіны.

Межы

На поўначы мяжуе з Вінніцкай і Кіраваградскай, на ўсходзе — з Мікалаеўскай абласцямі, на захадзе — з Малдавіяй (у тым ліку з Прыднястроўскай Малдаўскай Рэспублікай), на паўднёвым-захадзе — з Румыніяй.

Прырода

Першапачаткова на тэрыторыі Адэскай вобласці пераважную большасць меў стэпавы ладшафт. У цяперашні час пераважная большасць гэтых стэпаў разараныя і выкарыстоўваецца для земляробства. На поўначы вобласці захаваліся невялікія дубровы (дуб звычайны, бук, ясень, ліпа). На тэрыторыі вобласці шмат ветраахоўных палос (больш 25 тыс. га), высаджаных з акацый, абрыкоса, клёна і інш.

Выдатнасці

На тэрыторыі Адэскай вобласці захавалася мноства праваслаўных, мусульманскіх, каталіцкіх, іудзейскіх і іншых культавых будынкаў ХIII—ХХ стагоддзяў. Тут можна палюбавацца ўнікальнымі адзінкавымі абароннымі (ХIII—ХV стст.) і палацавымі (XIX ст.) комплексамі архітэктурных будынкаў. Да нашых дзён захаваліся архітэктурныя помнікі грамадзянскага прызначэння (асабнякі, адміністрацыйныя будынкі і будынкі вучэбных і лячэбных устаноў), шырока распаўсюджаныя ваенныя і грамадзянскія (у т. л. і персанальныя) манументы двух апошніх стагоддзяў. Выдатна захавалася Белгарад-Днестроўская крэпасць.

У вобласці знаходзіцца буйны Дунайскі біясферны запаведнік і разнастайныя цікавыя прыродныя аб'екты з ніжэйшым ахоўным статутам.

У 1917 — 1920 гг. у Адэсе жыў і працаваў беларускі навуковец і грамадскі дзеяч С. М. Некрашэвіч.

Эканоміка

Прамысловасць

У структуры прамысловай вытворчасці рэгіёна найбольшую ўдзельную вагу маюць харчовая, хімічная і нафтахімічная прамысловасць, машынабудаванне. Адмысловае развіццё атрымала станкабудаўнічая галіна. Яна прадстаўленая прадпрыемствамі па вытворчасці металарэзных станкоў, кавальска-прэсавага абсталявання.

Сельская гаспадарка

Прыродныя ўмовы Адэскай вобласці спрыяльныя для гадоўлі зімавой пшаніцы, кукурузы, проса, ячменю, сланечніка. У паўночнай і цэнтральнай частках вобласці можна выгадоўваць цукровы бурак, у паўднёвай — вінаград.

Транспарт

Чыгуначны транспарт

Адэская вобласць валодае сеткай чыгунак, змешчаных у вядзенні Адэскай чыгункі. Таксама ў вобласці маюцца адрэзкі вузкакалейных чыгунак.

Агульныя звесткі

Адміністрацыйны цэнтр Адэскай вобласці — горад Адэса.

Лік адміністрацыйных адзінак, рад і населеных пунктаў вобласці:

• раёнаў — 26;
• раёнаў у гарадах — 4;
• населеных пунктаў — 1188, у тым ліку:
  • сельскіх — 1136;
  • гарадскіх — 52, у тым ліку:
    • пасёлкаў гарадскога тыпу — 33;
    • гарадоў — 19, у тым ліку:
      • гарадоў абласнога значэння — 7;
      • гарадоў раённага значэння — 12;
• сельскіх рад — 439.

Вядомыя асобы

• Аляксей Віктаравіч Пуцыкін

Спасылкі

• Партал выканаўчай улады Адэскай вобласці (укр.)