Яўхім Мікалаевіч Прахарэнка

Яўхім Мікалаевіч Прахарэнка
Дата нараджэння	27 снежня 1902(1902-12-27)
Месца нараджэння	Несцерава, Падсолтаўскі сельсавет, Мсціслаўскі раён, Беларусь
Дата смерці	12 мая 1964(1964-05-12) (61 год)

Яўхім Мікалаевіч Прахарэнка (27 снежня 1902, Несцерава, Мсціслаўскі раён — 12 мая 1964) — адзін з кіраўнікоў партыйнага падполля і партызанскага руху ў Віцебскай вобласці.

Біяграфія

З 1925 года на культурна-асветніцкай і журналісцкай рабоце. Член КПСС з 1926 года. Удзельнік савецка-фінскай вайны. З 1941 года сакратар Багушэўскага РК КП(б)Б. У партызанах з ліпеня 1941: з ліпеня 1942 года камісар атрада, у верасні 1943 — чэрвені 1944 гадоў камандзір Багушэўскай партызанскай брыгады (2-га складу), адначасова ў ліпені — кастрычніку 1941 і ў студзені 1943 — чэрвені 1944 гадоў сакратар Багушэўскага падпольнага РК КП(б)Б. З 1944 года 1-ы сакратар Багушэўскага, у 1950—1956 гадах Чашніцкага РК КПБ. Дэпутат Вярхоўнага Савета БССР у 1947—1955 гадах.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.