Mak.by
| Mak.by | |
|---|---|
 | |
| Тып | публічная кампанія |
| Заснаванне | 1996[1] |
| Ранейшыя назвы | McDonald’s (1996—2022) |
| Размяшчэнне | Беларусь |
| Галіна | рэстараны хуткага харчавання |
| Матчына кампанія | КСБ Віктары Рэстараны |
| Сайт | mak.by |
«Mak.by» — беларуская сетка рэстаранаў хуткага харчавання, створаная на базе сеткі McDonald’s пасля яе закрыцця ў Беларусі ў 2023 годзе.
Амерыканская сетка рэстаранаў прыйшла ў Беларусь 10 снежня 1996 года, тады быў адкрыт першы рэстаран McDonald’s у Мінску. У лістападзе 2022 года было абвешчана, што брэнд сыходзіць з краіны 22 лістапада і на яго месца павінна была прыйсьці расійская сетка хуткага харчавання «Смачна — і кропка», але гэтага не адбылося, і жыццё McDonald’s было працягнута да 27 лістапада 2022 года, з таго моманту рэстараны працавалі пад шыльдай «Мы Открыты!».
У пачатку красавіка 2023 года кампанія «КСБ Віктары Рэстараны» (кіравала McDonald’s у краіне) падала заяўку на рэгістрацыю назвы і таварнага знака «Mak.by»
18 красавіка 2023 года сетка рэстаранаў была перайменавана ў «Mak.by». У гэты ж дзень пачаў працу мабільны дадатак «МойMak.by».
18 кастрычніка 2023 года кампанія прадставіла новы дызайн пакавання бульбы фры, бургераў і іншых прадуктаў. Дызайн распрацавала беларускае брэндынгавае агенцтва «Fabula Branding».
Абноўленыя назвы[правіць | правіць зыходнік]
- «Хэпі Міл» атрымаў новую назву «Кідс Міл»;
- «Біг Тэйсці» атрымаў новую назву «Біг Бургер»;
- «Біг Тэйсці з курыцай» прыбралі з меню, на змену яму прыйшла малодшая версія бургера — «Чыкен Тэйсці Джуніёр»;
- «МакЧыкен» атрымаў новую назву «Чыкен Класік»;
- «Макфлуры» атрымаў новую назву «Марожанае Дэ Люкс»;
- «Філе-о-Фіш» атрымаў новую назву «Фіш Бургер»;
- «Роял» атрымаў новую назву «Гранд Чызбургер»;
- «Біг Мак» вярнулі ў меню пад назвай «Мак Бургер»;
- «Цэзар Рол» вярнулі ў меню;
- «Біг Тэйсці Рол» вярнулі ў меню пад назвай «Біф Тэйсці Рол»;
- «МакТост з сырам» атрымаў новую назву «Тост з сырам».
- Акно «McDrive» атрымала назву «Mak.Drive»
- Канцэпцыя кавярняў «McCafe» пераўтварылася ў «Mak.Cafe»
- Дастаўка «McDelivery» атрымала назву «Mak.Delivery»
Змены ў рэцэптуры[правіць | правіць зыходнік]
Пасля рэбрэндынгу рэстараны Mak.by пачалі пераход на прадукты беларускіх пастаўшчыкоў: сыр «Эменталь» змянілі «Чэдэрам», соусы «Heinz» замянілі на «КАМАКА».
Нацыяналізацыя кампаніі[правіць | правіць зыходнік]
29 верасня 2023 г. адбылося судовае паседжанне па іску Дзяржкаммаёмасці супраць сеткі рэстаранаў Mak.by па справе аб спыненні дзейнасці згодна заявам кантралюючых органаў[2].
18 студзеня 2024 Прэзідэнт Рэспублікі Беларусь А.Р. Лукашэнка на нарадзе з Савмінам заявіў: "Мы дамовіліся: ніякай маёмасці мы нікому не прадаем, не перадаем, калі ў выніку санкцый ці нейкіх іншых прычын замежнікі, якія маюць тут уласнасць, прадпрыемствы, кампаніі, сыходзяць з нашага рынку. Як я казаў, дасвідос - мы разбярэмся самі. І, як паказвае той жа "Макдональдс", мы выдатна ў гэтым разабраліся: людзі з задавальненнем ходзяць туды[3], такім чынам пацвердзіўшы факт нацыяналізацыі прадпрыемства. І дадаў пра будучы продаж рэстаранаў прыватнаму бізнесу: "сёння гэтыя 25 рэстаранаў па краіне працуюць. З'явіўся прыватнік, які гатовы набыць іх, заплаціць грошы, і грошы немалыя. Нармальны беларус, які мае ўласнасць, гатовы развіваць гэтую сетку[4]."
Зноскі
Спасылкі[правіць | правіць зыходнік]
- mak.by – афіцыйны сайт «Mak.by».