Размах крылаў — 24-36 мм. Асноўны фон пярэдніх крылаў уяўляе сумесь светлага і цёмна-фіялкава-ружовага адценняў, папярочныя палосы фіялетава-чырвоныя. Заднія крылы бялёсыя з цёмнымі жылкамі і буравата-шэрай папярочнай паласой ля вонкавага краю, махры светлыя.
У стэпавых раёнах дае 2 пакаленні ў год. Матылі 1 пакалення лётаюць з канца красавіка да чэрвеня, другога — у ліпені-верасні. Вусень харчуецца кветкамі і пладамі рагулек і боцікаў. Зімуе кукалка ў глебе. Сустракаецца на лугах, астэпненых схілах пагоркаў і гор, у парках, садах і да таго падобнае.
Пагрозы: узворванне стэпаў, лугоў, прымяненне пестыцыдаў у садах і парках, празмерны выпас жывёлы на лугах.
Ахова не ажыццяўляецца. Трэба захаваць стэпавыя і лугавыя ўчасткі, абмежаваць выпас жывёлы, выкошванне травы, забараніць прымяненне пестыцыдаў у месцах пражывання віду.