Renault Symbol
| Renault Symbol | ||||||
|---|---|---|---|---|---|---|
 Renault Thalia ў Кракаве | ||||||
| Вытворца | Renault | |||||
| Гады выпуску | 1999—2021 | |||||
| Храналогія | ||||||
| ||||||
 Renault Symbol на Вікісховішчы | ||||||
Renault Symbol — кампактны легкавы аўтамабіль з кузавам седан маркі «Рэно». Выпускаўся з 1999 па 2021 год. Першыя два пакаленні былі створаныя на базе хэтчбека Renault Clio. У розны час і ў залежнасці ад рынку прапаноўваўся пад назвамі Renault Clio Symbol, Renault Symbol, Renault Thalia, Renault Clio Sedan, Nissan Platina. У трэцім пакаленні ў шэрагу краін пад назвай Renault Symbol прадаваўся Logan.
Першае пакаленне[правіць | правіць зыходнік]
Renault Clio Symbol[правіць | правіць зыходнік]
Седан Renault Clio Symbol на базе 5-дзвернага хэтчбека Renault Clio II быў прадстаўлены ў 1999 годзе. У параўнанні з Clio седан вырас у даўжыню да 4150 мм, што давала багажнік вялікай ёмістасці (510 літраў), але разам з тым знешні выгляд машыны крытыкавалі за непрапарцыйнасць. Аўтамабіль быў распрацаваны спецыяльна для краін, якія развіваюцца. Праз гэта Symbol адрозніваецца ўзмоцненай структурай кузава і наладамі падвескі. Дзеля змяншэння цаны ў салоне выкарыстоўваліся матэрыялы ніжэйшай якасці і былі ўнесены некаторыя спрашчэнні, дадатковае бартавое абсталяванне было скарочана. Маторны шэраг складалі бензінавыя рухавікі 1,2 (60 к.с.), 1,4 (75 і 98 к.с.), 1,6 (110 к.с.) або турбадызельныя 1,5 dCi (68 і 80 к.с.)[1][2].
Вытворчасць пачалася ў 1999 годзе на заводзе Oyak-Renault у Бурсе ў Турцыі. У наступным годзе выпуск пачаўся таксама ў Аргенціне і Бразіліі, а ў 2001 годзе ў Калумбіі[3].
Рэстайлінг: Renault Symbol[правіць | правіць зыходнік]
У 2002 годзе быў праведзены рэстайлінг. Пярэдняя частка аўтамабіля абнавілася падобна таму, як раней быў зменены Renault Clio: іншыя крылы, капот, пярэдні і задні бамперы, фары. Таксама абнавіўся інтэр’ер і былі зменены налады падвескі. Разам са зменай знешняга выгляду з назвы прыбралі Clio, пакінуўшы проста Renault Symbol.
.jpg)
У 2006 годзе Symbol абнавілі яшчэ раз. Аўтамабіль атрымаў новыя радыятарную рашотку, пярэдні бампер (паветразаборнік у ніжняй частцы падзялілі на тры секцыі), задні бампер (змянілася форма нішы нумарнога знака). На вечку багажніка з’явілася аб’яднаная з эмблемай кнопка адкрывання. У салоне ўсталявалі новую прыборную панэль, змянілася абіўка дзвярэй і сядзенняў. Вечка багажніка таксама атрымала ўнутраную абіўку. Пашырыўся пералік апцыянальнага абсталявання. Агулам, машыну зрабілі даражэйшай, каб саступіць нішу бюджэтнай мадэлі седану Renault Logan. Такім чынам, Symbol у мадэльным шэрагу маркі заняў месца паміж «Логанам» і «Меганам»[3][4].
Другое пакаленне[правіць | правіць зыходнік]
Прэм’ера новага пакалення прайшла на Маскоўскім аўтасалоне ў жніўні 2008 года. Распрацоўка машыны заняла ўсяго 26 месяцаў і каштавала 100 мільёнаў еўра. Эканомія часу і сродкаў была дасягнута за кошт шырокага выкарыстання камп’ютарнага мадэлявання і выкарыстання шасі папярэдняга пакалення. Пры гэтым, седан атрымаў цалкам новы дызайн[5].
Базавы рухавік 1.2 16 V выдаваў магутнасць 55 кВт пры 5500 аб/хв і максімальны круцільны момант 105 Нм пры 4250 аб/хв. Васьміклапанны рухавік 1.4 меў тую ж магутнасць, але больш высокі круцільны момант — 114 Нм пры 5500 аб/хв. Шаснаццаціклапанная версія мае магутнасць 72 кВт і максімальны круцільны момант 127 Нм. Наймагутнейшым быў рухавік 1.6 16V (77 кВт, 148 Нм). Таксама прапаноўвалі турбадызельны 1.5 dCi ў двух варыянтах магутнасці: 48 кВт і 62 кВт.
Трэцяе пакаленне[правіць | правіць зыходнік]
.jpg)
Трэцяе пакаленне мадэлі Symbol было прадстаўлена на аўтасалоне ў Стамбуле ў 2012 годзе. У адрозненне ад папярэднікаў, створаных на базе Renault Clio, аўтамабіль стаў блізнюком «Логана» другога пакалення. Рухавікі: TCe 90 (бензінавы, трохцыліндравы, аб’ёмам 0,9 л, 66 кВт/90 к.с., 135 Нм), 1.5 dCi 75 (турбадызельны, 55 кВт/75 к.с., 200 Нм) і 1.5 dCi 90 (турбадызельны, 66 кВт/90 к.с., 220 Нм).
Акрамя продажу ў самой Турцыі, машыны пастаўляўся таксама ў Алжыр і Туніс[6][7]. У лістападзе 2014 года ў Алжыры была наладжана зборка[8].
У верасні 2021 года на змену Renault Symbol для турэцкага рынку быў выпушчаны Renault Taliant.
Зноскі[правіць | правіць зыходнік]
- ↑ Гадкий утенок(руск.) // За рулём : часопіс. — 2002. — № 5. — С. 186—188.
- ↑ Sedan dla oszczędnych - Renault Thalia (1999-2008) (польск.). autocentrum.pl (20 чэрвеня 2012). Праверана 24 сакавіка 2024.
- ↑ а б Символы постоянства и обновления(руск.) // За рулём : часопіс. — 2006. — № 11. — С. 92—96.
- ↑ Сеанс самогипноза(руск.) // Купи авто : часопіс. — 2006. — № 18. — С. 60—61.
- ↑ Renault Thalia: Podrobné informace, technická data (чэшск.). auto.cz (28 жніўня 2008). Праверана 24 сакавіка 2024.
- ↑ 2013 Renault Symbol revealed - rebadged Dacia Logan for Turkey (англ.). motor1.com (1 лістапада 2012). Праверана 24 сакавіка 2024.
- ↑ Renault Symbol je Logan pro Turecko a severní Afriku (чэшск.). auto.cz (1 лістапада 2012). Праверана 24 сакавіка 2024.
- ↑ Renault bude vyrábět auta v Alžírsku (чэшск.). auto.cz (16 лістапада 2014). Праверана 24 сакавіка 2024.
Гл. таксама[правіць | правіць зыходнік]
На Вікісховішчы ёсць медыяфайлы па тэме Renault Symbol
