Леанід Сцяпанавіч Герасімовіч

Леанід Сцяпанавіч Герасімовіч
Леанід Сцяпанавіч Герасімовіч
Дата нараджэння	7 студзеня 1939 (85 гадоў)
Месца нараджэння	горад Мінск, БССР
Грамадзянства	СССР→ Беларусь
Род дзейнасці	навуковец
Навуковая сфера	сельская гаспадарка, энергетыка, электратэхніка
Месца працы	Беларускі дзяржаўны аграрны тэхнічны ўніверсітэт
Навуковая ступень	доктар тэхнічных навук
Навуковае званне	прафесар, акадэмік ААН РБ, акадэмік НАНБ
Альма-матар	Беларускі інстытут механізацыі сельскай гаспадаркі
Узнагароды	Заслужаны работнік адукацыі Рэспублікі Беларусь (1995)

Дагледжаная версія гэтай старонкі, зацверджаная 10 мая 2017, была заснавана на гэтай версіі.

Леанід Сцяпанавіч Герасімовіч (н. 7 студзеня 1939, Мінск) — беларускі вучоны ў галіне электратэхналогіі і электраабсталявання ў сельскай гаспадарцы. Акадэмік Нацыянальнай акадэміі навук Беларусі (2003), акадэмік Акадэміі аграрных навук Рэспублікі Беларусь (1996-2002), доктар тэхнічных навук (1983), прафесар (1985). Заслужаны работнік адукацыі Рэспублікі Беларусь (1995).

Біяграфія

Скончыў Беларускі інстытут механізацыі сельскай гаспадаркі (БІМСГ) (1967). У 1959-1967 гг. электрамантажнік Белэнергамантажа, канструктар 1 катэгорыі СКБ-3 Мінаўтапрама. З 1970 г. асістэнт, старшы выкладчык, з 1973 г. дацэнт, з 1984 загадчык кафедры, у 1988 прарэктар па навуковай рабоце, у 1989-2003 гг. рэктар Беларускага дзяржаўнага аграрнага тэхнічнага ўніверсітэта (БДАТУ).

Навуковы і практычны ўклад

Распрацаваў навуковыя асновы і новую элементную базу нізкатэмпературнага павярхоўна-размеркаванага (плёнкавага) электранагрэву: электратэхналагічныя сродкі для цеплавой апрацоўкі сельскагаспадарчых харчовых прадуктаў і асяроддзяў, энергазберагальныя сістэмы мікраклімату для жывёл і птушак. Развіў тэорыю і практыку сістэмнага аналізу аграэнергетыкі. Распрацаваў навуковыя асновы аўтаматызаваных сістэм жыўлення раслін на штучных субстратах, у тым ліку з айчыннай сыравіны. Стварыў пры БДАТУ Навукова-вытворчы цэнтр па цяплічнаму агародніцтву, ў выніку дзейнасці якога большасць зімніх цяпліц рэспублікі былі пераведзеныя на энергарэсурсаэфектыўныя аўтаматызаваныя малааб'ёмныя тэхналогіі вырошчвання раслін на штучных субстратах.

Аўтар больш за 250 навуковых прац, 110 вынаходніцтваў і патэнтаў, больш за 20 кніг і навучальных дапаможнікаў.

Асноўныя працы

Низкотемпературные поверхностно-распределенные электронагреватели в сельском хозяйстве. Мн., 1983 (у суаўт.)
Электротермическое оборудование сельскохозяйственного производства. Мн.: Ураджай, 1995 (у суаўт.)
Техническое обеспечение процессов в животноводстве. Мн.: Белорусская наука, 2004 (у суаўт.)
Научные основы питания томатов на минеральных субстратах. Мн.: Академия управления при Президенте Республики Беларусь, 2005 (совм. с Веремейчик Л.А.)
Основы инженерного творчества. Мн., 2005
Стимуляция молокоотдачи при машинном доении коров. Мн., 2006
Основы управления интеллектуальной собственностью. Мн., 2006
Практическое пособие по выбору и разработке энергосберегающих проектов. М., 2007

Крыніцы

ЛЕОНИД СТЕПАНОВИЧ ГЕРАСИМОВИЧ(К 70-летию со дня рождения) // Весці нацыянальнай акадэміі навук Беларусі. Серыя аграрных навук. - 2009. - №1. - С. 120-122.

Зноскі

Спасылкі

Акадэмікі Нацыянальнай акадэміі навук Беларусі - Акадэмік Герасімовіч Леанід Сцяпанавіч