Мечыслаў Тукала

Мечыслаў Тукала
Мечыслаў Тукала і яго жонкі Сузанны з Багдановічаў
Шранява
маршалак шляхты Вілейскага павета кастрычнік 1853 — 1863
Папярэднік	Зянон Любанскі[d]
Нараджэнне	1817 Асцюковічы, Вілейскі павет, Мінская губерня, Расійская імперыя
Смерць	4 верасня 1883(1883-09-04)
Месца пахавання	Ілья
Род	Тукалы[d]
Бацька	Ігнацы Тукала[d]
Маці	Канстанцыя са Свідаў[d]
Жонка	Сузанна з Багдановічаў[d]
Дзеці	Канстанцыя з Тукалаў[d], Роза з Тукалаў[d] і Луцыя з Тукалаў[d]
Адукацыя	Імператарскі Дэрпцкі ўніверсітэт
Медыяфайлы на Вікісховішчы

Мечыслаў Тукала (польск.: Mieczysław Tukałło; 1817 — 1883) — удзельнік паўстання 1863—1864 гадоў.

Біяграфія

Паходзіў са шляхецкага роду Тукалаў герба «Шранява», сын Ігнація, удзельніка паўстання 1831 г. у Завілейскім павеце, і Канстанцыі Свіды. Нарадзіўся ў маёнтку Асцюковічы Вілейскага павета.

Вучыўся на факультэце права ва ўніверсітэце ў Дэрпце. У 1854—1859 гадах марашалак шляхты Вілейскага павета. З 1863 г. выконваў абавязкі вілейскага маршалка.

Перад паўстаннем 1863—1864 гадоў знаходзіўся за мяжой і не падтрымліваў ягонай ідэі, аднак з пачаткам выступлення вярнуўся на радзіму. Адмовіўся падпісаць вернападданіцкі адрас віленскага маршалка А. Дамейкі, што стала прычынай ягонай ссылкі адміністрацыйным шляхам, а на маёнтак быў накладзены секвестр. Пасля пяцігадовага знаходжання ў ссылцы атрымаў магчымасць пераезду ў Царства Польскае. Нейкі час пражываў у Дрэздэне, пасля чаго вярнуўся на радзіму.

Сям’я

Жонка Сузанна Багдановіч.

Спасылкі

• Вольга Гарбачова. Паўстанцы 1863 года на фотаздымках