Іван Пасер

Іван Пасер
Род дзейнасці	кінарэжысёр, сцэнарыст, кінасцэнарыст
Дата нараджэння	10 ліпеня 1933(1933-07-10)[…]
Месца нараджэння	Прага, Чэхаславакія[…]
Дата смерці	9 студзеня 2020(2020-01-09)[…] (86 гадоў)
Месца смерці	Рына, акруга Уоша[d], Невада, ЗША
Грамадзянства	Чэхія  Чэхаславакія
Альма-матар	Film and TV School of the Academy of Performing Arts in Prague[d]
Узнагароды і прэміі	Artis Bohemiae Amicis[d] (21 чэрвеня 2008)
Медыяфайлы на Вікісховішчы

Іван Пасер (чэшск.: Ivan Passer; 10 ліпеня 1933, Прага, Чэхаславакія — 9 студзеня 2020) — чэшскі кінарэжысёр і сцэнарыст, прадстаўнік «Новай хвалі» ў кінематографе Чэхіі.

Біяграфія

Іван Пасер нарадзіўся ў 1933 годзе ў Празе і быў адзіным дзіцем у сям’і дырэктара нацыянальнага банка Чэхіі.

Скончыў факультэт кіно і тэлебачання (FAMU) Пражскай акадэміі мастацтваў. Супрацоўнічаў з Мілашам Форманам у шэрагу яго кінематаграфічных праектаў у якасці аўтара сцэнарыя і другога рэжысёра. Свой першы фільм «Інтымнае асвятленне» паставіў у 1965 годзе.

У 1968 годзе пасля падаўлення Пражскай вясны пры падтрымцы Карла Понці эміграваў у ЗША. Яго першы амерыканскі фільм «Народжаны перамагаць» (1971) з удзелам Роберта Дэ Ніра атрымаў добрую адзнаку крытыкі.

У канцы 1990-х гадоў па прапанове Мілаша Формана быў запрошаны рэжысёрам у расійска-нямецка-казахстанскі кінапраект «Качэўнік», але з-за рэгулярных затрымак з фінансаваннем вытворчасці зняў толькі частку карціны і адмовіўся ад далейшага супрацоўніцтва. Завяршыў працу Сяргей Бадроў (старэйшы), працай якога Пасер застаўся вельмі задаволены. У 2006 годзе атрымаў прэмію «Чэшскі Леў» за шматгадовы мастацкі ўклад у чэшскі кінематограф.

У 2008 годзе быў старшынёй журы Кінафестывалю ў Карлавых Варах.