Ігнат Габрыэлевіч Булгак

З Вікіпедыі, свабоднай энцыклапедыі
Ігнат Габрыэлевіч Булгак
Ігнат Булгак. Партрэт працы Яна Дамеля, 1838
Ігнат Булгак. Партрэт працы Яна Дамеля, 1838
Герб «Сыракомля»
Герб «Сыракомля»
маршалак шляхты Бабруйскага павета

Нараджэнне 1798
Смерць 1848
Род Булгакі герба «Сыракомля»[d]
Бацька Габрыэль Булгак[d]
Маці Фартуната з Булгакаў[d]
Жонка Ізабэла са Слізняў[d] і Тэрэза са Слізняў[d]
Адукацыя
Бітвы

Ігнацы Булгак, у расійскай традыцыі Ігнат Габрыэлевіч Булгак (1798 — 1848[1]) — буйны землеўласнік Мінскай губерні, бабруйскі павятовы маршалак.

Заснавальнік палацавага комплексу Булгакаў у Жылічах[2].

Паходжанне[правіць | правіць зыходнік]

З роду Булгакаў герба «Сыракомля». Бацька — Габрыэль Булгак, у 1785 годзе ажаніўся з Фартунатай Булгак, далёкай родзічкай з іншай галіны роду[1]. Шлюб аб’яднаў род Булгакаў, а агульную зямельную ўласнасць і капітал, у тым ліку матчын пасаг — сядзібу ў Жылічах, спадкаваў Ігнацы Булгак. Умовай атрымання спадчыны было заканчэнне ўніверсітэта[1].

Біяграфія[правіць | правіць зыходнік]

Скончыў Дэрпцкі ўніверсітэт. Удзельнічаў у вайне 1812 года, у складзе расійскай арміі дайшоў да Парыжа[2].

Актыўна займаўся палітыкай, займаў пасады лідскага ротмістра і бабруйскага павятовага маршалка[2].

Будаўніцтва палаца Булгакаў[правіць | правіць зыходнік]

У Парыжы Ігнацы Булгак меў магчымасць убачыць шэдэўры французскай архітэктуры, апроч таго, ён сабраў нядрэнную калекцыю карцін вядомых еўрапейскіх майстроў. Пасля вяртання дадому, арганізаваў паспяховую і эканамічна пісьменную гаспадарку, вялікі маянтковы гаспадарчы двор плошчай да 30 га, пачаў будаўніцтва палаца[2].

Сям’я[правіць | правіць зыходнік]

Партрэт жонкі Тэрэзы са Слізняў. Ян Дамель, 1838

Ажаніўся з дачкой барысаўскага павятовага маршалка (1801—1803) Юзафа Мікалаевіча Слізеня — Ізабэлай[1], пасля яе хуткай смерці — з яе роднай сястрой Тэрэзай[3]. Праз шлюбы Ігнацы Булгак не толькі стаў адзіным спадчыннікам вялізнай маёмасці роду Слізняў, але і атрымаў ганаровую пасаду свайго цесця[1].

Партрэт сына Юзафа Вітольда. Ян Дамель, 1838

Ігнат меў 5 сыноў і 4 дачкі, сярод іх малодшага сына Эдгара, які стаў спадчыннікам родавай сядзібы[2].

У 1838 годзе Янам Кшыштафам Дамелем у Мінску створаны сямейны трыпціх для Ігнація і Тэрэзы Булгакаў, са старэйшым іх сынам Юзафам Вітольдам[4].

Крыніцы[правіць | правіць зыходнік]

Літаратура[правіць | правіць зыходнік]

  • Aftanazy, R. Dzieje rezydencji na dawnych kresach Rzeczypospolitej : w 11 t. / R. Aftanazy. — Wrocław — Warszawa — Kraków : Zaklad im Ossolinskich, 1991. — Cz. 1. Wielkie księstwo Litewskie. Inflanty. Kurlandia. — T. 1. Województwa mińskie, mścisławskie, połockie, witebskie. — 352 s.