Індыянскі ўніверсітэт у Саўт-Бендзе

Індыянскі ўніверсітэт у Саўт-Бендзе
англ.: Indiana University South Bend
Арыгінальная назва	англ.: Indiana University South Bend
Заснаваны	1922
Тып	дзяржаўны ўніверсітэт
Краіна	ЗША
Размяшчэнне	Саўт-Бенд, Індыяна, ЗША
Сайт	southbend.iu.edu
Медыяфайлы на Вікісховішчы

Індыянскі ўніверсітэт у Саўт-Бендзе (англ.: Indiana University South Bend) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Саўт-Бенд у штаце Індыяна, ЗША.

Гісторыя

Індыянскі ўіверсітэт пачаў праводзіць заняткі ў Саўт-Бендзе ў 1922 годзе. Падчас Вялікай дэпрэсіі мясцовы дырэктар школ папрасіў дадаць больш класаў для тых, хто не мог дазволіць сабе наведваць заняткі ў кампусе ў Блумінгтане. Заняткі праводзіліся ў сярэдняй школе, і праз некалькі гадоў колькасць студэнтаў дасягнула 500 асоб. Заняткі праводзілі настаўнікі мясцовых сярэдніх школ са ступенню магістра і час ад часу выкладчыкі з кампуса ў Блумінгтане, якія прыязджалі раз на тыдзень. У 1941 годзе быў названы першы пастаянны штатны выкладчык. У 1961 годзе першы ўласны будынак вучэльні быў пабудаваны на нядаўна набытай зямлі на паўночным беразе ракі Сэнт-Джозэф. У 1968 годзе вучэльня антрымала сваю цяперашнюю назву. Першыя ступені магістра былі прысвоены ёю ў 1970 годзе.

Структура

• Каледж навук аб здароўі
• Каледж вольных мастацтваў і навук
• Школа мастацтваў
• Школа бізнесу і эканомікі
• Школа адукацыі
• Школа сацыяльнай працы
• Аддзел араграм працоўнага навучання
• Аддзел паслуг пашыранага навучання

Гл. таксама

• Спіс універсітэтаў штата Індыяна

Спасылкі

• На Вікісховішчы ёсць медыяфайлы па тэме Індыянскі ўніверсітэт у Саўт-Бендзе
• Афіцыйная інтэрнэт-старонка ўстановы