Індыянскі ўніверсітэт у Блумінгтане

Індыянскі ўніверсітэт у Блумінгтане
Індыянскі ўніверсітэт у Блумінгтане
	англ.: Indiana University Bloomington
Арыгінальная назва	англ.: Indiana University Bloomington
Заснаваны	1820
Тып	дзяржаўны даследчы ўніверсітэт
Студэнты	43 064
Краіна	ЗША;
Размяшчэнне	Блумінгтан, Індыяна, ЗША
Сайт	indiana.edu (англ.)
	Медыяфайлы на Вікісховішчы

Індыянскі ўніверсітэт у Блумінгтане (англ.: Indiana University Bloomington) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Блумінгтан у штаце Індыяна, ЗША. Галоўная ўтанова сістэмы Індыянскага ўніверсітэта.

Агульная характарыстыка

У 2010 годзе Індыянскі ўніверсітэт у Блумінгтане заняў 75-ю пазіцыю ў рэйтынгу «Нацыянальныя ўніверсітэты» выдання U.S. News & World Report^[3], а таксама 90-ю пазіцыю ў Акадэмічным рэйтынгу ўніверсітэтаў свету^[4]. Універсітэт уваходзіць у спіс Public Ivy (англ.) (бел., створаны ў 1985 годзе вучоным і даследчыкам амерыканскіх універсітэтаў Рычардам Молам, як спіс лепшых грамадскіх універсітэтаў, дапоўнены ў 2001 годзе іншым навуковым Говардам Грынам. Акрамя таго кампус у Блумінгтане з 1909 года з’яўляецца членам Асацыяцыі амерыканскіх універсітэтаў.

Дэмаграфія

Станам на восень 2010 года, сярод больш чым &&&&&&&&&&042000.&&&&&042 000 студэнтаў (undergraduate students) і аспірантаў (graduate students) універсітэта мелася 4826 замежных студэнтаў. Сярод студэнтаў — грамадзян ці пастаянных жыхароў ЗША было 1851 афраамерыканец, 1718 асоб азіяцкага паходжання, 1416 асоб лацінаамерыканскага паходжанні, 97 карэнных амерыканцаў, і 26 прадстаўнікоў карэнных народнасцей ціхаакіянскіх астравоў (гавайцы, самаанцы і інш.). 604 студэнта ўказалі «змяшаную» расавую прыналежнасць. Большая частка студэнтаў — 68 %, з Індыяны, аднак сярод студэнтаў ёсць прадстаўнікі 49 штатаў ЗША і 137 замежных дзяржаў^[5].

Гісторыя

У 1820 годзе ўрад Індыяны заснаваў навучальную ўстанову, якая была вядома тады як «семінарыя штата» і размяшчалася на рагу Секанд-стрыт і Каледж-авеню^[6]. Канстытуцыя штата Індыяна 1816 года патрабавала ад Генеральнай асамблеі штата стварыць агульную сістэму адукацыі, пачынаючы ад сярэдніх школ і сканчаючы ўніверсітэтамі, дзе навучанне павінна быць бясплатным і ў роўнай ступені адкрытым для ўсіх. Будаўніцтва першых будынкаў новага ўніверсітэта пачалося ў 1822 годзе, а ў 1824-м пачаліся заняткі^[7].

Першым прэзідэнтам універсітэта стаў Эндру Уайлі, у 1829 годзе, тады ж Генеральная асамблея змяніла назву школы на «Індыянскі каледж». Сучасную назву ўніверсітэт атрымаў у 1838 годзе. Смерць прэзідэнта Уайлі ў 1851 годзе адзначыла сабой заканчэнне першага перыяду развіцця ўніверсітэта. Наступныя змены прыйшлі толькі ў 1885 годзе, калі яго прэзідэнтам стаў біёлаг Дэвід Стар Джордан^[7].

У 1867 годзе^[7] Сара Морысан была першай жанчынай, якая стала студэнткай універсітэта, а ў 1873 годзе яна стала і першым прафесарам-жанчынай.

У 1883 годзе ўніверсітэт прысудзіў сваю першую доктарскую ступень, а таксама правёў першы міжвузаўскі спартыўны матч (па бейсболу). Аднак у гэты год кампус універсітэта, які размяшчаўся на першапачатковым месцы ў цэнтры горада Блумінгтан згарэў дашчэнту. Замест таго, каб аднаўляць будынкі, як гэта здаралася пасля некаторых іншых здарэнняў, было прынята рашэнне аб будаўніцтве новага кампуса на ўсходзе горада, якое адбывалася з 1884 па 1908 год^[7].

Першае аддзяленне ўніверсітэта за межамі Блумінгтана было адкрыта ў 1916 годзе, у Індыянапалісе. У 1920 годзе адкрыліся школа музыкі і бізнес-школа. У 1940-х гадах з’явіліся аддзяленні ўніверсітэта ў Кокама (англ.) (бел. і Форт-Уэйне. У 1947 годзе адкрыўся інстытут Кінсі, які выклікаў мноства спрэчак, праводзячы даследаванні ў вобласці сексуальных адносін^[7].

Структура

Музычная школа Джэйкабса. Заснавана ў 1921 годзе, сёння тут вучыцца каля 1600 студэнтаў, што ставіць яе па гэтым паказчыку на другое месца ў спісе Нацыянальнай асацыяцыі музычных школ^[8]

У склад Індыянскага ўніверсітэта ў Блумінгтане ўваходзяць 14 каледжаў і школ:

Каледж мастацтваў і навук
Музычная школа Джэйкабса
Бізнес-школа Кэлі
Юрыдычная школа Маера
Педагагічная школа
Школа здароўя, фізічнай адукацыі і адпачынку
Школа інфарматыкі і камп’ютарных навук
Журналісцкая школа
Школа бібліятэчнай справы і інфармацыйных навук
Школа сястрынскай справы
Школа аптаметрыі
Школа грамадскіх і экалагічных праблем
Школа сацыяльнай працы
Вышэйшая ўніверсітэцкая школа

Кампус

Плошча кампуса Індыянскага ўніверсітэта ў Блумінгтане складае 7,8 кв.км. На яго тэрыторыі размешчана мноства будынкаў, якія прадстаўляюць гістарычную каштоўнасць. Кампус багата азелянёны, праз яго працякае гэтак званая «Рака Джордана», якая атрымала імя ў гонар Дэвіда Стара Джордана — дарвініста, іхтыёлага і прэзідэнта Індыянскага ўніверсітэта ў Блумінгтане, а затым і Стэнфарда^[9].

Бібліятэка імя Германа Б. Уэлса, галоўная бібліятэка ўніверсітэта
Indiana Memorial Union (палац культуры)
Бібліятэка рэдкіх кніг імя Лілі (Lilly Library) і фантан «Нараджэнне Венеры»
Аўдыторыўм (канцэртная зала) і той жа фантан
Інтэрнат імя Карла Айгенмана
Школа бізнесу імя Келі
Student Building (факультэты геаграфіі, антрапалогіі)
Lindley Hall (факультэт Computer Science)

Крыніцы

↑ Integrated Postsecondary Education Data System — 1992.
<a href="https://wikidata.org/wiki/Track:Q6042926"></a>
↑ Global Research Identifier Database — 2015. Праверана 8 чэрвеня 2020.
<a href="https://wikidata.org/wiki/Track:Q27768150"></a>
↑ Indiana University--Bloomington (англ.). U.S.News & World Report. Архівавана з першакрыніцы 25 жніўня 2012. Праверана 15 жніўня 2011.
↑ Academic Ranking of World Universities - 2010 (англ.)(недаступная спасылка). ShanghaiRanking Consultancy. Архівавана з першакрыніцы 23 жніўня 2011. Праверана 15 жніўня 2011.
↑ 2010-11 IU Factbook (англ.)(недаступная спасылка). Indiana University Bloomington. Архівавана з першакрыніцы 20 ліпеня 2011. Праверана 15 жніўня 2011.
↑ Seminary Park (англ.)(недаступная спасылка). City of Bloomington. Архівавана з першакрыніцы 25 жніўня 2012. Праверана 15 жніўня 2011.
↑ ^а ^б ^в ^г ^д History (англ.). The Trustees of Indiana University. Архівавана з першакрыніцы 25 жніўня 2012. Праверана 15 жніўня 2011.
↑ Frederic P. Miller. Jacobs School of Music. — 2010. — 80 с. — ISBN 9786130734756.
↑ The Ideal College Experience (англ.). The Trustees of Indiana University. Архівавана з першакрыніцы 25 жніўня 2012. Праверана 1 чэрвеня 2012.

[_883361c92cf79a84-1] Integrated Postsecondary Education Data System — 1992.
<a href="https://wikidata.org/wiki/Track:Q6042926"></a>

[_89601c1322574e1d-2] Global Research Identifier Database — 2015. Праверана 8 чэрвеня 2020.
<a href="https://wikidata.org/wiki/Track:Q27768150"></a>

[3] Indiana University--Bloomington (англ.). U.S.News & World Report. Архівавана з першакрыніцы 25 жніўня 2012. Праверана 15 жніўня 2011.

[4] Academic Ranking of World Universities - 2010 (англ.)(недаступная спасылка). ShanghaiRanking Consultancy. Архівавана з першакрыніцы 23 жніўня 2011. Праверана 15 жніўня 2011.

[stud-5] 2010-11 IU Factbook (англ.)(недаступная спасылка). Indiana University Bloomington. Архівавана з першакрыніцы 20 ліпеня 2011. Праверана 15 жніўня 2011.

[his15-6] Seminary Park (англ.)(недаступная спасылка). City of Bloomington. Архівавана з першакрыніцы 25 жніўня 2012. Праверана 15 жніўня 2011.

[his-7] а ^б ^в ^г ^д History (англ.). The Trustees of Indiana University. Архівавана з першакрыніцы 25 жніўня 2012. Праверана 15 жніўня 2011.

[8] Frederic P. Miller. Jacobs School of Music. — 2010. — 80 с. — ISBN 9786130734756.

[9] The Ideal College Experience (англ.). The Trustees of Indiana University. Архівавана з першакрыніцы 25 жніўня 2012. Праверана 1 чэрвеня 2012.

[1]

[2]

[3]

[4]

[5]

[6]

[7]

[8]

[9]