Інфармацыя

З пляцоўкі Вікіпедыя
Перайсці да: рух, знайсці

Інфармацыя (лац.: Informatio — усведамленне, растлумачэнне, пераказ, ад лац.: Informare — надаваць форму) — у шырокім сэнсе абстрактнае паняцце, якое мае мноства значэнняў, у залежнасці ад кантэксту. У вузкім сэнсе гэтага слова — звесткі (паведамленні, дадзеныя) незалежна ад формы іх прадстаўлення. Звесткі аб аб'ектах жывой або нежывой прыроды, іх уласцівасцях і узаемным уплыве адзін на аднаго.

У сучаснай навуцы разглядаюцца два віды інфармацыі.

Аб’ектыўная (першасная) інфармацыя —гэта уласцівасць матэрыяльных аб’ектаў і з’яў ці працэсаў спараджаць разнастайнасць станаў, якія пры дапамозе узаемадзеянняў перадаюцца іншым аб’ектам і захоўваюцца ў іхняй структуры. Суб’ектыўная (семантычная альбо другасная) інфармацыя — сэнсавае ўтрыманне аб’ектыўнай інфармацыі аб аб’ектах і працэсах матэрыяльнага свету, сфармаванае свядомасцю чалавека з дапамогай сэнсавых вобразаў (слоў, выяў і адчуванняў) і зафіксаванае на якім-небудзь матэрыяльным носбіце. У побытавым сэнсе інфармацыя — звесткі аб навакольным свеце й праходзячых у ім працэсах, успрыманыя чалавекам або спецыяльным прыстасаваннем.

У цяперашні час не існуе адзінага вызначэньня інфармацыі як навуковага тэрміну. З пункту гледжання розных абласцей ведаў, дадзены панятак апісваецца сваім спецыфічным наборам прыкметаў. Паводле канцэпцыі Шэнана, інфармацыя — гэта знятая нявызначанасць, г. зв. звесткі, якія павінны зняць у той ці іншай ступені існуючую ў спажыўца да іхняга атрымання нявызначанасць, пашырыць ягонае разуменне аб’екта карыснымі звесткамі.

Інфармацыя (у агульным сэнсе) — гэта ўсё, што можа ўспрыняць чалавек.

Спасылкі[правіць | правіць зыходнік]